KI-UNDP Lansamentu Matadalan Reportajen Eleitoral Ba Jornalista
Naunil Media (Díli), Konsellu Imprensa Timor-Leste (KI) servisu hamutuk ho PNUD (Programa das Nações Unidas para Desenvolvimentu), apoiu finanseiru husi Governu Japaun iha Timor-Leste, ohin halo lansamentu ba matadalan reportajen eleitorál ba jornalista no media sira hodi apoiu kobertura ba eleisaun Parlamentár 2023.
Tuir Prezidente Interinu Konsellu ImprensaTimor-Leste, Expedito Loro Dias Ximenes hatete, Ohin Kl servisu hamutuk ho PNUD lansa ona Matadalan Reportajen Eleitoral ba Jornalista no Média husi Matadalan sira seluk liu husi projetu CORE Timor-Leste, ida ne’e finansiál husi Embaixador Japaun objetivu atu hametin atividade jornalista no jornalistiku.
“Ba tinan ida ne’e KI hamutuk ho PUND hodi produs Matadalan reportajen eleitoral ba jornalista no media liu husi projeitu CORE Timor- Leste, ida ne’e finansial husi Embaixador Japaun objetivu atu hametin atividade jornalista no jornalistiku no media iha konstestu publikasaun iha elisaun Parlamentar”, dehan presidente Interinu KI Expedito Loro Dias Ximenes ba jornalista iha Novo Turismo, tersa (22/11).
Nia hatutan, Tanba iha nasaun Demokrátika ida foin hakat husi elisaun prezidensial iha fulan Marsu no Abril liu ba, ne’ebé iha dezafiu no obstakulu balun ba jornalista no media sira hasoru iha publikasaun durante kamapaña polítika ho loron elisaun.
“Matadalan ne’e mós atu ajuda jornalista no media sira mantein balansu, imparsialidade no objetividade iha kobertura no publikasaun notísia no programa sira hodi la hetan intervensaun ruma, polítika ka ekonómika”, relata nia.
Representa Vise-Prezidente PNUD Adeline Carrier informa, Hanesan hotu-hotu hatene katak UNDP fó apoiu ona ba Timor- Leste iha eleisaun tinan kotuk komprometidu atu apoiu eleisaun sira tuir mai.
“Ohin imi asiste mós lansamentu matadalan ne’ebé iha sira hanoin katak importante ba jornalista sira utiliza matadalan ne’e, atu nune’e bele evita notísia Hoax sira no kontribui ba informasaun ida ne’ebé di’ak ba públiku komunidade país ida ne’e”, nia relata.
Ida ne’e importante tebes ba Jornalista sira-nia papel atu asegura katak sidadaun hot-hotu iha asesu ba informasaun ne’ebé loos no adekuadu kona-bá eleisaun sira iha futuru, hakotu nia. Ana
