FEATUREDGeralIkus LiuNews

Povu Ataúro Husu Horta-Taur Hakarak “Listrik” Lakan 24 Oras

Fahe Tutan

Naunil Media (Ataúro), Populasaun Ataúro husu ba Prezidente Repúblika (PR) José Ramos Horta no Primeiru Ministru (PM), Taur Matan Ruak hakarak “listrik” lakan 24 oras nune’e feto sira bele buka moris.

“Ami husu ba Avo Ramos Horta, Taur Matan Ruak, Xanana tenke tau matan prosesu liuliu ba ami Ataúro suku lima (5) ne’ebé iha ne’e, ami husu de’it hanesan listrik ne’e hanesan ami povu sira nia problema listrik hanesan uluk ahi lalakan mas agora ukun aan tiha ona ami hakarak ahi ne’e lakan labele to’o de’it tuku 9 tuku 10 mate ona, ami hakarak moris 24 oras para ami feto sira buka moris mós di’ak” ,dehan komunidade Maria Madalena da Costa ba jornalista sira hafoin partisipa kompetisaun Kurrida Ró ne’ebé realiza iha suku Beloi, Tersa, (22/11).

Populasaun Ataúro ne’e mós hakerek katak Bee moos mós hanesan dalaruma fulan ida mak mai dala ida dala rua de’it depois mai latoo oras ida rua Bee ne’e maran fali ona, tanba ne’e sira nia nesesidade aktual uza nafatin Bee posu ne’ebé uluk Avo sira uza to’o agora.

Maria Madalena mós hakarak no husu atu eventu festival múzika no kultura ne’e labele tinan ida ne’e de’it maibé, hakarak tinan-tinan atu populasaun sira bele haree realidade ne’ebé akontese iha eventu refere.

“Ami sente Kontenti tanba seidauk too semana ida maibé ami sira ne’ebé faan iha baraka ne’e sasán ne’ebé ami faan la’ós lori fila ba uma mas tenke hotu, ne’e ami agradese ba eventu ne’ebé estadu no governu realiza iha Ataúro no ami husu atividade sira hanesan ne’e tenke kontinua no labele para too de’it iha ne’e,” katak Maria Madalena

Tanba rendimentu ne’ebé sira hetan hanesan loron baibain la manán to’o $30, $40 maibé, hahu husi horseik hodi bain rua sira manán no sente Kontenti maibé la halo eventu hanesan ne’e entaun loron ida sira hetan de’it $10 to’o $15 dala ruma dosi ruma ne’ebé sira faan ne’e mós lahotu.*Jos

Leave a Reply

Your email address will not be published. Required fields are marked *