PR Horta: Feira Livru Hafunan Kultura Ambitu Lee
Naunil Media (Ataúro), Prezidente Repúblika (PR), José Ramos Horta hateten feira do livru ne’e hanesan hafunan kultura ambitu lee nian, tanba iha Timor-Leste (TL) joven barak la lee ona livru inklui mós nasaun sira seluk.
“Parte programa festival múzika no kultura Ataúro iha mós feira do livru iha dadaun ne’e joven sira iha ne’e sira grupu ida sira estudante direitu UNTL sira halo inisiativa movimentu ida para hanesan kria hafunan kultura ambitu lee nian,” dehan Xefe Estadu ba jornalista sira hafoin halo vizita ba feira do livru ne’ebé mak hala’o iha Vila Maumeta, Tersa, (22/11).
PR Horta hatutan Tanba iha Timor joven, labarik, mezmu bo’ot sira la lee rai barak iha mundu mós nune’e, nasaun barak la lee ne’e duni sira nia inisiativa ne’e primeira vez rona di’ak no mai husi joven sira ke preokupa ho leitura ne’e di’ak tebe-tebes.
Horta mós observa katak iha Feira ne’e aktividade barak loos eskola portugeza, Xanana Reading Room, Fundasaun Alola, G7+, gabinete fronteira matitima barak, tanba iha tinan sira nia laran ne’e feira du livru barak, nune’e hanoin di’ak, tanba lakonese hotu-hotu maibé ida ne’e di’ak tebetebes.
“Ita haree artista sira pintor sira mós partisipa halo sira nia traballu purtantu ha’u Konvida ona sira para sira bele uza mós jardim. Grupu nia naran movimentu leitura ba transformasaun sosial purtantu se mak hakarak bele kontaktu sira para partisipa, sira halo beibeik iha jardim 5 de Maio, Purtantu halo parte festival múzika kultura Ataúro feira do livru”, esplika Horta
Iha fatin hanesan Ministru Administrasaun Estatal (MAE), Miguel Pereira de Carvalho hateten ho inisiativa konjuntu husi guvernu no mós husi Prezidensiá Repúblika ne’e tuir nia haree Kontenti haree inisiativa sira ne’e tanba, inisiativa ne’e defaktu halo iha ilha Ataúro purtantu populasaun iha Ataúro Kontenti tebes ho Festival Múzika no Kultura ida ne’e.
“Ha’u nia akompanamentu katak ita nia populasaun sira iha ilha Ataúro haree katak ho aktividade sira ne’ebé mak estadu no guvernu sentrál halo iha ilha ida ne’e demostra katak estadu no guvernu sentrál sei lahaluha Ataúro wainhira ita ko’alia kona-ba dezenvolvimentu”, katak MAE *Jos
