PR Horta: Governu Tenke Rezolve Problema Bee Moos Iha Ataúro

Fahe Tutan

Naunil Media (Ataúro), Prezidente Repúblika (PR), José Ramos Horta hateten Governu liu husi Konsellu Ministru tenke rezolve problema Bee moos, Portu, Pista Aviaun, saúde iha Munisípiu Ataúro.

“Primeiru Ministru hatene halo konsellu Ministru ida iha ne’e tenke desizaun ruma husi konsellu Ministru ne’e para rezolve problema konkretu pelumenus problema bee iha Ataúro, ida fali tenke haree didiak iha Portu Ataúro, Pista aviaun nian hadia, hadia klínika saúde ida di’ak liu ho ekipamentu para mós bele simu ita nia maun alin sira vizina ilha Indonézia sira,” dehan Xefe Estadu ba jornalista sira hafoin halo vizita ba feira do livru ne’ebé mak hala’o iha Vila Maumeta, tersa (22/11).

PR Horta hatutan Primeiru Ministru konvoka Konsellu Ministru sira iha ne’e hanoin dia 24 ne’e primeira vez iha tinan lubuk ida nia laran ke governu halo reuniaun konsellu Ministru iha Munisípiu ruma, hanoin nunka halo karik primeira vez halo iha Munisípiu Ataúro tinan ida ne’e mós Ataúro sai Munisípiu.

Xefe Estadu hateten, Ne’e duni guvernu tenke haree hanesan prioridade ida klínika saúde ida di’ak no fiar katak Primeiru Ministru sei tau matan para haree aselera prosesu no nu’udar Prezidente Repúblika pesoalmente sei mós tau matan ba ida ne’e.

Tanba dala ruma tempu Portugés kuandu timoroan balun problema ho autoridade portugeza sira halai ba ilha sira Indonézia entaun familia barak loos Ataúro ho ilha sira ne’ebé besik ne’e.

Prioridade ida Primeiru ne’e mak Bee moos tan populasaun latoo 10 mil mais ou menus se guvernu ida lakonsege rezolve ne’e guvernu ne’e bele rezolve saida purtantu ne’e tenke prioridade númeru 1 no prioridade ida tan saúde, merenda eskolar ne’e di’ak ba labarik sira nia saúde, dehan nia.

Prezidente Repúblika mós lakonkorda Ró ahi bo’ot mai Ataúro, Ró bo’ot bele mai estraga tasi,  so Ró ahi kiik mak bele tama iha ne’e no halo Portu ida ne’e lá’os komplikadu iha modelu oioin iha mundu bele halo, no fiar guvernu sei servisu hamutuk para mobiliza rekursu mai Ataúro. *Jos

Leave a Reply

Your email address will not be published.