Populasaun Suku Makadadi Seidauk Asesu Eletrisidade

Fahe Tutan

Naunil Media (Ataúro), Administradór Munisípiu Ataúro Domingos Soares hateten populasaun iha suku Makadadi Maioria Seidauk assesu liña eletrisidade tanba area geografikamente suku refere iha liu foho leten.

“Kuandu ida ne’e akontese ita lapreokupa ona ho transporta gazoel Dili Ataúro dala ruma difisil tebetebes kuandu ita ona iha momentu sira tasi boot. Seidauk asesu ba eletrisidade ne’e maioria suku Makadadi tanba nia iha foho leten, agora Makili iha hela instalasaun no hein katak sé la tinan ida ne’e remata ka tinan oin sira bele hetan ona asesu eletrisidade,” dehan Administradór Ataúro ba jornalista sira hafoin partisipa kompetisaun Natasaun iha suku Beloi, Kuarta, (23/11).

Autoridade Munisípiu Ataúro hatutan agora eletrisidade hanesan bele nota durante eventu nia lakan 24 oras tanba ne’e bele fasilita eventu ida ne’e la’o di’ak, hein katak ba oin Ataúro mós bele hetan enerjia eletrisidade 24 oras, la’ós iha de’it enerjia ida utiliza gazoel maibé hein katak ba oin bele deskobre tanba Ataúro ne’e loron manas entaun hanoin mós para bele fornese enerjia renovavel nune’e bele kobre ba Ataúro tomak.

Domingos Soares hateten konserteza la’ós tanba de’it eventu mak populasaun sira hetan eletrisidade no bee moos maibé, sira iha direitu atu hetan assesu ba Bee moos no eletrisidade tanba durante ne’e lakan oras 8, oras 4 iha dader oras 4 iha kalan ba eventu ida ne’e halo esforsu hotu-hotu para depois bee moos bele hetan assesu.

“Ita boot sira hatene bee matan ne’e uniku boot tebetebes iha Ataúro ne’e husi Berau agora ita nia terenu ne’e tesik mai Fatubobo entaun dala ruma kuandu udan inan entaun fatuk monu bele estraga maibé ita iha ekipa ne’ebé nia tau atensaun masimu ba ida ne’e hodi responde ba situasaun sira, no Ohin dader akontese, horseik akontese maibé iha ekipa iha terenu agora para rezolve para garante katak bee ne’e tenke iha liuliu ba komunidade sira nia nesesidade lor-loron nian,” tenik Domingos Soares

Nia hateten estrada ba suku sira kuaze hotu-hotu iha asesu ho kondisaun ne’ebé sira iha so iha parte kotuk estrada foin too iha foho leten, tun ba tasi ne’e seidauk, Bikeli parte tasi ibun ne’e seidauk depois area barak liu Beloi tanba iha aldeia 3 ne’ebé iha foho difisil asesu estrada, suku Makadadi so ba aldeia Barau tanba ne’e mós tasi ibun. Tanba nu’udar autoridade halo esforsu para depois estrada ne’e bele pelumenus too iha sede suku para depois halo ligasaun mai Monisipal ne’ebé lokaliza iha vila.

Nia mós lori Ataúro oan nia naran agradese ba Prezidente Repúblika José Ramos Horta no Primeiru Ministru Taur Matan Ruak ne’ebé deside realiza eventu festival múzika no kultura Ataúro mezmu Atauro foin mak hamriik maibé, Ataúro oan iha lema ida dehan hahú ho halai i halai ho fuan kaer liman hamutuk too tutusion rejultadu sira ne’ebé produz hamutuk.

Nia dehan durante eventu festival múzika no kultura Ataúro situasaun jerál molok hahú preparasaun sira di’ak tebetebes hamutuk ho komisaun Organizadora husi Prezidensiá Repúblika no mós Primeiru Ministru nian hamutuk ho Autoridade Munisípiu Ataúro halo preparasaun buat hotu la’o di’ak mezmu udan maibé laiha asidente ida ne’ebé rejista.*Jos

Leave a Reply

Your email address will not be published.