FEATUREDGeralIkus LiuNews

RENETIL Realiza Kongresu Ba Dala VIII Hodi Kontribui Ba Estadu TL

Fahe Tutan

Naunil Media (Díli), Resistencia Nasionál dos Estudantes de Timor- Leste (RENETIL), Realiza kongresu  Nasionál ba dala-ualu ho nia Tema Hametin RENETIL hodi Kontribui ba Hametin Estadu.

Tuir Prezidente  Konsellu Sentral  RENETIL(CCR), Carlos da Silva  Lopes “Saky” informa,  Kongresu ne’e hanesan atu Reastrutura ba Estretura RENETIL nia no halo mós programa atu hametin Estadu RDTL.

“Kada tina 4 RENETIL halo nia kongresu hodi hili nia estrutura foun iha Kongresu ne’e ami hili nia tema mak Hametin RENETIL hodi kontribui ba hametin Estadu, hili tema ne’e tanba to’o ohin loron buat barak mak seidauk la’o di’ak,  instrituisan Governu barak mak sei frazil hela seidauk solidu ho  di’ak, hanesan organizasun apartidaria ida atu tulun estadu ida ne’e liu husi partidu  polítiku sira ne’ebé mak membru espalia ba “, dehan Prezidente Saky iha CCD,Sesta (2/12).

Saky hateten,  Renetil hanesan Organizasaun Rezistenaia  ida  nafatin iha papel importante atu tulun Estadu no Governu ba Dezenvolvimentu Nasionál no luta hasai povu husi mukit no kiak.

“Ami mos iha papel atu hametin Estadu nafatin tulun Governu ba dezenvolvimentu no hasai povu husi kiak agora ita hare ita nia partidu polítika sira barak la halimar ida-idak sae ba intrese nia partidu de’it lakoi tau interrse hamutuk, hodi rejolve problema ne’ebe mak ita nia povu hasoru ita iha pais demokratika ne’e diferente ideia ne’e norma maibe tenke kria konsensus”, Nia Sublina

Iha fatin hanesan Prezidente Parlamentu Nasional (PPN) Aniceto Longuinhos Guterres Lopes, mós husu membrou RENETIL sira atu kaer nafatin primsipiu uluk nian tau nafatin valor ukun rasik an, tempu rezistensia RENETIL  iha nia papél importante tebes kontribui mós ba prosesu libertasaun pátria.

” Hanesan militante Renetil nia ha’u agradese ba  Renetil ho Renetil mak ohin loron ha’u asumi kargu sira iha organ estadu nian,  ha’u husu ba kongresista sira atu deskuti klea ba tematika apela mós ba membru Renetil sira hatudu sensibilidade tomak hodi kontribui nafatin  ba mudansa no dezafiu ne’ebé mak Estadu hasoru”, dehan PPN Aniceto.

Alende ne’e Sekretáriu Jerál Partidu Frente Revolusionáriu Timor-Leste Independente (FRETELIN), Marí Bim Amude Alkatiri hateten, ResistênciaNacional dos Estudantes de Timor-Leste (RENETIL) nu’udár organizasaun ida transversal biar nia ema ida-idak ho nia partidu polítiku, nunka fila kotuk ba malu no ida ne’e ezemplu ida ne’ebé ema hotu tenke respeita no agradese tanba Timor-Leste presiza ezemplu sira nune’e.

Eis Primeiru Ministru ne’e hato’o Parabéns ba juventude sira ne’ebé oras ne’e katuas daudauk ona, tanba sei kontinua ho espíritu RENETIL nian. RRENETIL hahú organiza an iha rai Indonézia, maibé sai ida de’it ho sira ne’ebé organiza an iha Timor-Leste.

“Ha’u deseju susesu iha kongresu ida-ne’e, no há’u hein katak rezolusaun saida de’it maka aprova iha kongresu ne’e sei reflete espíritu RENETIL nian, hodi kontinua luta bá dezenvolvimentu nasionál”,  dehan Eis Primeiru Ministru Marí.

RENETIL halo nia kongresu ba tinan 2 dala ida hodi define planu, programa no estratejia sira atu bele kontribui ba dezenvolvimentu nasionál,  no kongresu ida ne’e sei halo ba loron 2, Partisipa Masimu husi Membru RENETIL toma husi 13 Munisípiu. Gyor

Leave a Reply

Your email address will not be published. Required fields are marked *