Forsa Naval Amerika Selebra Eskola Ida Iha Baucau
Naunil Media (Díli), Kuarta (14/12/22), Falintil Forsa Defeza De Timor-Leste (F-FDTL), liu husi Komandante Komponente Terrestre, Koronel José Da Costa Soares ‘’Trix’’ no enkaregadu husi negosiu Estadus Unidos Amerika (EUA) Tom Daley hamutuk ho ofisíal husi ministeiriu edukasaun , autoridade munisípiu Baucau, halo inagurasaun ba eskola Baziku Filial (EBF) Komandante Mau-Buti.
Tuir enkaregadu negosiu Estadus Unidus Amerika (EUA) Tom Daley hateten konstrusaun ba eskola inklúi infraestrutura sira seluk, nu’udar testemuña ida ba koperasaun di’ak entre Timor Leste ho EUA.
‘‘Eskola ida ne’e sai nu’udar testemuñu ba saida mak ita nia-parseira no koperasaun hamutuk bele atinji, hodi buka dezemvolve ba Timor-Leste, iha futuru. Ba estudante sira ha’u enkoraja imi atu estuda no serbisu makas ba imi nia aan-rasik no familia, tanba ita nia futuru defende ba ita nia-susesu’’, dehan enkaregadu Tom Daley .
Konstrusaun ba eskola refere, konstrui husi forsa naval no marina husi Estadus Unidus Amerika ( EUA), inklui apoiu husi ekipa Falentil Forsa Defeza Timor-Leste ( F-FDTL) enjeñeria na’in hitu (7), no mós forsa defesa Australianu sira. Nune’e konstrusaun durasaun fulan haat, ho montante orsamentu
$250.000. Eskola Refere lokaliza iha Bairo Militar Lanud Baucau .Gyor
