AgrikulturaFEATUREDIkus LiuNews

PR Horta : Kuda Ai Kameli Núdar Investimentu Ba Futuru TL

Fahe Tutan

Naunil Media (Díli), Prezidente Republika (PR), José Ramos Horta, enkoraza sidadaun hotu kuda ai kameli iha teritoriu tomak, hodi halo investimentu iha futuru ba familia no nasaun Timor-Leste (TL).

PR José Ramos Horta hatoo lia hirak ne’e hafoin partisipa kampanha nasional komemorasaun loron ai kameli no floresta mak realiza iha Jardin Nasional Erois Metinaru, Sesta (13/01).

“Ai Kameli nia folin valor boot loos, maibe ida nee lori tempu tinan 20 too 30 mak nia kualidade iha no prontu para koa, nee signifika ita kuda ohin hanesan investimentu ba futuru,” hateten Xefi Estadu.

Xefi Estadu hatete, ai kameli nee importante tebes, ai ida neebe ninia orijin iha Timor Leste dezde tinan atus ba atus, negosiantes Xineza sira tama iha Timor, sira mai buka mak ai kameli.

“Ai kameli nee importante tebes-tebes no ai kameli hanesan ai ida neebe orijinal iha Timor-Leste dezde tinan atus ba atus, no kuandu iha tinan 1400 liu ba Xina sira mai Timor buka mak ai kameli, tanba iha mundu nee, rai neebe mak iha dominiu ho ai kameli mak Timor no India,” hatete PR Horta. Ana

Leave a Reply

Your email address will not be published. Required fields are marked *