CNRT Deskonfia P-KHUNTO Foti Hikas Material Konstrusan UKL Ida Iha Atabae
Naunil Media (Díli), Deputada opozisaun husi Partido Congresso Nacional Reconstrucão Timorense (CNRT) Maria Gorumali Bareto hatete, Membru husi Partidu apoiu Governu da-walu Partidu Klibur Haburas Unidade Nasionál Timor Oan (KHUNTO) foti hikas Material konstrusaun Uma ba Kibit Laek (UKL) iha Postu-Administrativu Atabae Munisípiu Bobonaro.
“Ohin hau simu telefone husi komunidade feto faluk iha Atabae, ne’ebé mak hetan uma kibit laek no uma kibit laek ne’e agora iha prosesu konstrusaun hela maibe materia nebe mak atu halo konstruasaun ne’e hanesan besi no Sumenti iha partidu baluk mak kaer ukun haruka nia estrutura iha baze ba foti hotu tia partidu ne’e mak KHUNTO ba foti dhn katak hein imi ukun mak kontinua konstrusaun ne’e no konstrusaun uma ne’e foin to mak sinta sedauk taka kalen”, dehan Deputada Maria iha Parlamentu Nasionál (16/01).
Deputada Opozisaun ne’e husu ba Ministeriu Adminiatrasaun Estatal (MAE) atu delega ekipa ida hodi ba halo investigasaun no husu Providoria dos Direitos Humanos e Justisa (PDHJ) ba rona direita husi benifisiare ba Uma Ki’ibit Laek ne’e.
Hatan ba kritiku ne’e Deputadu husi Partidu Klibur Haburas Unidade Nasionál Timor Oan (KHUNTO) Luis Roberto konsidera ne’e hanesan propoganda polítiaka.
“Informasaun sira ne’ebe mak hato husi Deputada Maria Bareto ne’e la los hau komprende katak tinan polítika bele polítika mós ita hato buat los ba povu, tanba KHUNTO nia Estretura la hanesan ho CNRT nia Estrutura diferente bo’ot tebes maske KHUNTO foin hari iha 2011, la’os atu ba bosok tun sae povu ita reprezenta povu ko’alia buat ne’ebé mak tebes faktu la’os via telefone de’it dehan ne’e tebes ona”, dehan Deputado Luis.
Hantan ba Kestones sira ne’e Reprezentante VIII Governu Kostituisional, Ministru dos Assuntos Parlamentares e Comunicacão Sosial (MAPCOS), Fransinco Martins da Costa Jeronimo hateten nia alista hela perkupasaun sira husi Deputadu sira sei hato’o ba Ministeriu Relevante. Gyor
