Ekipa Konjunta Kaptura Joven Na’in 9 Halo Asaltu Iha Bidau Akadiruhun
Naunil Media (Díli ) Kinta (19 /01/23 ), 23:30 Kalan oras Timor-Leste Autoridade siguransa kaptura Jovens na’in 9, halo perturbasaun orden publika no tuda vitima sira nia uma nomos lori tudik no katana ta’a ema nia kereta arbiru liu husi area Estrada iha Suku Akadiru-Hun, Aldeia Kuluhun de Baixo Postu-Administrativu Nain-Feto, Munisipiu Dili.
Tuir informasaun Naunil.com hetan husi pazina servisu Relações Públicas katak Joven hirak ne’e mai hosi Munisipiu Baukau, Suku Gariwai, hodi servisu iha Kompanhia lokal ida ne’ebe halo atendementu hodi fornese aihan cesta bazika nian sira ho kondisaun lanu tuda vitima sira nia uma nomos lori sasan kroat ta’a ema nia kareta arbiru iha dalan públiku.
Ekipa konjuntu kompostu husi Aranha, Makikit, F&P, Unidade Falintil, SNI, patrullamentu husi Esquadra Nain-Feto, Esquadra Cristo Rei, Task Force no ofisial dia Delta 31 to’o iha fatin akontesementu konsege halo atuasaun duni tuir no kaptura autor sira iha area refere.
Oras ne’e daudaun suspeitu sira ekipa konjunta lori ona ba iha Eskuadra Nain-Feto hodi submete ba prosesu investigasaun no kontinua lori ba detein iha sela Komandu PNTL Munisípiu Díli. Gyor
