MTK Relata Progresu Investimentu Infrastrutura Aeroportu INL Ba PM
Naunil Media (Díli), Ministru transporte komunikasaun (MTK), José Agutinho da Silva relata ba sua exelensia primeiru Ministru (PM) Taur Matan Ruak kona-ba progresu ba investimentu infrastrutura Aeroportu internasionál Nicolau Lobato (AINL) Comoro Dili
“Oras ne’e dadauk ita iha hela faze resentementu oinsá mak ita fo ba komunidade familia sira ne’ebé mak afetadu husi obra ida ne’e ba investimentu infrastrutura Aeroportu ida ne’e”. Dehan ministru MTK ba jornalista hafoin hasoru malu ho PM Taur matan Ruak iha palásiu Governu, kinta (19/01).
Governante ne’e hateten, Família komunidade ne’ebé mak afetadu ba obra ne’e totál hamutuk 256 família, ne’ebé oras ne’e daudaun ita halo ona pagamentu ba família afetadu hamutuk 105, no hela familia afetadu 151 mak seidauk pagamentu.
Ne’ebé pagamentu ida ohin ne’e ba faze primeiru no ba faze segundu mak ida restante ne’ebé mak iha 151 familia.
Enkuantu oras ne’e dadaun ba asuntu ida ne’e ita nia ekipa tekniku, ekipa integradu husi linas ministeriais hotu-hotu sira esforsu makas hela, oinsá mak bele finaliza pagamentu ba família afetadu sira.
Nune’e ita nia obra ida ne’e bele la’o lais tuir data tentativa para bainhira to’o Dezembru bele asina ita nia kontratu.
“Agora tanba prosesu lao iha terenu hanesan ne’e entaun ita iha espetativa bele asina dokumentu ida ne’e iha fulan fevereiru tinan ida ne’e”, Nia hakotu. LTS
