FEATUREDIkus LiuNewsPolitika

Medi𝐀 Díli Gente Sei Produz Notisia Ho Lian Portugé𝐒, SEKOMS Apresia Professores CLJ

Fahe Tutan

Naunil  Media  (Díli), 20/1/2023, Sekretáriu Estadu ba Komunikasaun Sosiál, Merício Juvinal dos Reis “AKARA”, Hato’o Apresiasaun No Parabéns Ba Professores Konsultóriu Lingua Ba Jornalista(CLJ-Sigla Portugés), Tanba Sira Nia Produtu Mak Produs Ona Jornalista Timor Oan Sira Ne’ebé Matenek Hodi Harií  Média  Online Ho Hanaran Diligente, Neébé Sei Produs Notisía Ho Lian Portugés.

Lia Hirak Neé Hatoó Husi Governante Ne’e   Bainhira, Partisipa iha Sermónia Lansamentu Média Diligente, Sexta-Feira Neé, Iha Auditóriu-Fundasaun Oriente.

“Pessoal ha’u, kontente tanba jornalista Timor-Leste agora bele produs notísia ho lian Portugés, ne’e hatudu katak jornalista Timor oan mós bele, espera jornalista sira husi rai liur bele koopera hamutuk hodi dezenvolve di’ak liutan Liberdade imprensa no Liberdade espresaun nuneé fasilita informasaun loos no kredivel ba públiku ho lian Portugés iha rai laran nomos rai liur”, Dehan “AKARA” ba jornalista sira iha fundasaun oriente sexta 20/01/23

Ezekutivu ne’e afirma, rezultadu Governu Timor-Leste ho Governu Potugés nia koperasaun servisu, liuhosi Institutu Camões, suporta makas hodi produs jornalista sira liuhosi formasaun kapasita sira atu matenek no iha pensamentu kritiku liútan utiliza ho lian Portugés.

Iha fatin hanesan, Prezidente Interinu Konsellu Imprensa,  Francisco Belo Simões, apresia ho Diligente nia esforsu no prezensa bele ajuda sosiedade no promove Lingua Portugés iha País Soberano. Nuneé produs liu tan produtu jornalista ne’ebé mais kritiku hodi sai kontrolu sosiál.

Prezidente Konselho Imprensa Interinu  nemoos, espera  Média Diligente bele, iha konsistente no  komitmentu atu sai média investigativu sai mós alternativu  ba sosiedade, hodi kompleta direitu públiku nian, liuhosi informasaun ne’ebé produs husi Medía Diligente.

Prezidente  KI Interinu ne’e mós hato’o Bemvindo ba Diligente, ne’ebé inklina ona iha Konsellu Imprensa, no husu Diligente tenke mantein nafatin independénsia editoriál katak, mantein hodi latuir poder politiku nomós poder ekonomia.

Entertantu Website jornál Online Diligente mak www.diligenteonline.com no kompostu husi jornalista ho naran Eduardo Soares, Armandina Figueira, Antónia Kastono Martins, Miguel Taveiro, Nívia Cristovão, Nicodemos Espirito Santo no Rilijanto Viana.

Partisipa iha lansamentu média  Diligente nemak, S.E, Ministru ba Assuntus Parlamentar no Komunikasaun Sosiál, Provedoria ba Direitus  Umanus no Justisa, Professores husi Konsultóriu Lingua ba Jornalista, Jornalista ho konvidadus sira seluk. Aba

Leave a Reply

Your email address will not be published. Required fields are marked *