PR Horta-Tenente Jeneral Falur Diskute Seguransa Rai Laran
Naunil Media (Díli), Kinta (26/01), liu husi reuniaun semanal entre Komandante Komandu Jeral FALINTIL-Forsa Defeza Timor-Leste (F-FDTL), Tenente Jeneral Falur Rate Laek ho Prezidente Repúblika, José Ramos Horta, diskute kona-ba situasaun seguransa rai-laran no planu atu apoiu seguransa.
Konaba kadetes foun membru F-FDTL, Tenente Jenerál Falur Rate-Laek, hateten iha ona última faze, durante semana iha ailaran, la han, la hariis, la hemu, sakrifisiu maka’as no tuir planu orsida lokraik atu ba vizita iha area treinamentu kampu treinu iha area Manatuto nian.
“Termina semana ida ne’e hotu sira prepara de’it ona atu asaun seremónia juramentu Bandeira ne’e”, Falur Rate-Laek, bá jornalista sira iha Palásiu Presidente Bairro Pite, Kinta (26/01).
Entretantu, Prezidente Repúblika José Ramos Horta, husu Tenente Jeneral Falur Rate Laek kontinua kontrolla forsa, hadia buat ne’ebé nesésidade, toma medida no halo sala ruma tenke kastigu prosedimentu administrative. Ana
