PSHT-IKSPTL Bandu Membru Sira Utiliza Atributu Organizasaun Partisipa Kampaña ElPar
Naunil Media (Díli), Segunda (30/01), Sekretáriu Estadu Juventude no Desportu (SEJD), Abão Saldanha “Nokosiku” realiza enkontru ida ho líder arte-marsial hamutuk 18, inklui Persaudaraan Setia Hati (PSHT) no Ikatan Kera Sakti Putra Timor-Leste (IKSPTL).
Enkontru ne’ebé realiza iha Salaun Magna SEJD refere ho objetivu Governu fó hanoin ba líder organizasaun arte-marsial sira tenke informadu hodi alerta membru sira labele utiliza atributu arte-marsial partisipa iha kampaña Eleisaun Parlamentu (ElPar) 2023.
Hafoin sorumutu, Prezidente PSHT Baltazar Lemos, apela membru sira labele utiliza atributu organizasaun iha kualker atividade politika ruma liuliu iha tempu kampaña eleisaun tinan ne’e.
“Sei la autoriza membru sira utiliza uniforme organizasaun nian hodi partisipa iha kampaña. Tenki uza farda normal ka sivil, bainhira ami nia membru sira utiliza uniforme organizasaun PSHT seguransa sira bele atende nia”, alerta líder organizasaun PSHT ne’e.
Iha fatin hanesan, Prezidente IKSPTL, Silvestre Xavier Sufa, hateten sei halo avisu formal ida liu husi media no karta por ecrita ba kada ranting ho sub-ranting iha teritóriu tomak bandu membru sira utiliza atributu partisipa ElPar.
“Tuir prinsipiu no orientasaun organizasau, karik lakoi bele sai husi organizasaun nune’e labele estraga organizasaun tanba IKS buka dixiplina laos buka ema”, tenik Prezidente IKSPTL, Sufa.
Aktividade enkontru entre Governu ho líder arte marsial sira refere núdar sorumutuk dahuluk, no durante enkontru sira koaliua mos kona-ba iha ttempu badak Governu nia apoia fundus ba organizasaun arte marsial sira. Aba
