PR Horta Simu Karta Kredensial Husi Embaixador Rezidente 2 ho Non Rezidente 9

Naunil Media (Díli), Prezidente Repúblika (PR), José Ramos Horta, ohin simu karta ofisial “kredensial” husi Embaixadór nasaun 11 ne’eebé kompostu hosi Embaixador rezidente rua no nan rezidente sia (9).

Iha biban ne’e, Vise Ministru Negosiu Estranjeiru i Kooperasaun Julião da Silva informa, Depois Xefe Estadu simu tiha karta kredensial husi Embaixadór nasaun 11 ne’ebé kompostu hosi Embaixador rezidente rua no naun rezidente sia.

“Hafoin simu tiha karta kredensial husi  Embaixador no Embaixadora sira, Prezidente Repúblika mós sei halao enkontru ho ministru balun atu partilla imformasaun sira relasiona ho assuntu seguransa, ekonómia, sosiu kultural Timor-Leste ninian ba Embaixador sira,” dehan Vise Ministru Negosiu Estranjeiru no Kooperasaun Julião da Silva ba jornalista sira iha Palasiu Prezidensial Nicolau Lobato Bairo Pite, kuarta (01/02/).

Embaixador husi nasaun 11, iha rua maka ninia rezidensia permanente iha Timor-Leste no seluk iha Indonezia.

Seremonia simu karta kredensial ne’e rasik hala’o iha Palasiu Prezidensial ne’ebé simu ho moradores no parada milítar iha portaun entrada.

Entretantu Embaixador hosi nasaun 11 ne’ebé lori karta kredensial ba Prezidenti da Repúblika maka hanesan : Embaixador Repúblika Koreia do Sul, Shin Mantaek (Rezidente). Embaixadora Cuba, Grisel Alina Aldama Innis (Rezidente). Embaixador Singapura, Robin Hu (Non Rezidente). Embaixador Ekuador, Santiago Javier Chávez Pareja (Non Rezidente). Embaixador Repúblika Dominika, Briunny Garabito Segura (Non Rezidente). Embaixador Repúblika Kroasia, Nebojṧa Kahorovic, (Non Rezidente). Embaixador Reinu Bélgica, Frank Leon L. Felix (Non-Rezidente). Embaixadora Hungaria, Lilla L. Karsay (Non Rezidente). Embaixador Republika Perú, Luis Raul Tsuboyama Galvan (Non Rezidente). Embaixador Finlándia, Jukka Pekka Kaihilahti (Non-Rezidente). Embaixador Kosovo, Jetnira Berdynaj Shala (Non-Rezidente).

Tuir ajenda ne’ebé iha aban Prezidenti da Repúblika sei hala’o ekontru kontinuasaun ba kooperasaun bilateral ho nasaun ida-idak, hodi hametin liutan kooperasaun entre  Timor-Leste ho nasaun 11.

Iha seremonia simu karta kredensial nee marka prezensa mós  Embaixador sesante balun, ne’ebé nia mandatu hotu iha tinan kotuk, sira ne’ebé nia mandatu remata iha tinan kotuk, sira nia karta kredensial foin aprova, tanba Xefe Estadu rasik iha ajenda ne’ebé barak, tanba sei hala’o vizita  estadu ba nasaun sira. Ana