KHUNTO Prontu Ba Dezisaun  PR Ba Kalendariu ELPAR

Naunil Média (Díli), Konselleiru partidu Khunto,Jose Naimori Bucar,hateten,Ohin konvite husi Prezidente Repúblika hakarak rona partidu polítiku sira hotu-hotu, Xefe Estadu husu opiniaun husi partidu ida-diak kona-bá eleisaun parlamentár 2023,entaun ita hotu-hotu bele hato’o ita nia hanoin tomak ba iha Xefe Estadu.

“ha’u sente katak Xefe Estadu hanoin di’ak liu tanba buat hotu-hotu, ita rona husi Xefe Estadu, nia mak hili atu fó sai kalendáriu eleisaun parlamentár tanba Xefe Estadu rasik iha devér tomak bele dekreta”, dehan konselleiru partidu KHUNTO ba jornalista sira iha Palásiu Preszdente, Bairro Pite, kinta (02/02).

Nia afirma, Bainhira mak nia fó sai katak eleisaun parlamentár monu iha loron saida, ita hotu-hotu hein ne’e mak Xefe Estadu hakarak rona polítiku sira nia hanoin tomak atu bele la’o situasaun ne’ebé di’ak, ema hotu-hotu bele tuir regras, tuir polítiku ne’ebé di’ak atu eleisaun ne’e di’ak liu tan.

KHUNTO nia preparasaun hasoru eleisaun parlamentár, prontu ona atu bele ba eleisaun parlamentár ida ne’e ho di’ak, ita hotu-hotu rona de’it husi Xefe Estadu, bainhira Xefe Estadu dekreta ona data hanesan ne’e entaun KHUNTO prontu ona atu bele halo servisu,hakotu nia. Ana