PLP Suzere Ba PR Eleisaun Tenke Kualidade
Naunil Media (Díli), Vise Prezidente Partido Libertasaun Popular (PLP),Deometro do Amaral de Carvalho hateten, Xefé Estadu konvida hanesan konsultasaun ida ho partidu polítiku sira, ami na’in lima reprezenta ami nia partidu hodi fó ami nia opiniaun iha konsultasaun ne’ebé Xefé Estadu inisia kona-bá Xefe Estadu nia desizaun deklara eleisaun parlamentár 2023 ne’ebé mai.
“Ami nia opiniaun eleisaun jerál ida ne’ebé mosu depois tinan 20 restaurasaun indepedénsia, ita hakarak atu eleisaun ida ne’ebé la’o ho kualidade, ne’ebé rekere ita nia preparasaun di’ak entermus lójistika”, dehan Vise Prezidente PLP ba jornalista sira iha Palásiu Prezidente Bairro Pite, (02/03).
Nia afirma, Entermus kuadru legál sira ne’ebé guia operasionalizasaun prosesu eleisaun sira no mós rekursu umanu, ne’ebé bele operasionaliza sistema sira ne’ebé ita diploi ba fó andamentu eleisaun jerál ne’ebé ita sei hala’o no fundu husi PLP haree iha biban ida ne’ebé Xefe Estadu mós koñesidu iha mundu.
Nia hatutan, Kona-bá peparasaun hanesan partidu polítiku kuadru legál ne’ebé ami tuir mak kona-bá lei partidu polítiku ninian.
“Ami hanesan partidu polítiku prepara an tebe-tebes hanesan partidu polítiku, ho koligasaun antes ho partidu ruma atu avansa ka avansa mesak, ami sei ba kongressu mak sei deside”, katak nia. Ana
