Militante  Husu Orgaun Soberania Hatur Fali Partidu ASDT Hnesan Istória Ida

Naunil Média (Dili), Ohin Estrutura Partido associação social Democrata Timorense (ASDT), tomak hosi munisípiu Liquiçá , Bobonaro, Ermera, Díli no RAEOA, hamutuk ho militante no simpatizante sira hotu ejiji bá orgaun soberania hatuur fali partidu ASDT hanesan istória ida.

Porta-Voz Partido ASDT, Berta de Jesus Martins hateten, Ami ejiji ba Prezidente Repúblika, Prezidente Parlamentu Nasionál, Prezidente Tribunál Rekursu no Primeiru Ministru RDTL nian hodi hatuur fila fali ami  nia direitu nu’udár partidu , basá , Partidu ASDT mak harii “nasaun de direto de democrático de Timor-Leste iha Rai Doben Timor Lorosa’e hanesan Partidu Istóriku , Partidu primeiru, Partidu Huun no Abut , ne’ebé hakilar no husu ukun rasik an”, dehan porta voz partidu ASDT ba jornalista sira iha Tasi Tolu, segunda (06/02).

Nia hatutan, Ami lakohi atu Nasaun RDTL ne’ebé liberta an , ne’ebé sosa ho ruin no raan , hosi eroi patria maubere rihun ba rihun ida – ne’e monu ba estadu falla .

“Bainhira Partidu Istóriku ida ne’e la hetan notifikasaun ka legalizasaun hosi orgaun kompetente Estadu RDTL nian, hodi hatuur hikas Partidu Istóriku refere iha ninia fatin, nu’udár Partidu ida ne’ebé bele kompete ba eleisaun Parlamentar tinan 2023 ida ne’e mak ami sei mobiliza militante no simpatizante sira hosi munisipiu hotu – hotu ami nia direitu no bainhira sei la hatuur fila fali Partidu ASDT”, katak nia.

Tanba nee, ami militante no simpatizante Partido ASDT nian sei la fó votu ba kualkér partidu ida, militante no simpatizante sira liu-liu hato’o ba povu tomak, povu terus na’in sira, mate restu rai Timor tomak  labele tauk atu hamriik hamutuk hodi luta ba direitu ukun ho justisa, justisa ne’e ba povu tomak, la haree ba kór, suku, ema boot ka ema kiik, ka kualkér pozisaun ruma , justisa labele ba povu kiik , ka povu kbiit laek de’it. Ia hakotu. Ana