Aldeia Lakufoan hetan bee husi Debu ajuda husi PREMATIL
Naunil Media (Oe-cusse), Xefe Aldeia Lakufoan, José Tacaqui, informa volume bee ne’ebé uluk ho agora lahanesan uluk iha fulan novembru 2021 ho bee matan ida naran Holtema mais ou menus minutu 1:20 mak komunidade foin hetan litru ida tamba ho mudansa klimatika udan monu rai tarde maibe agora iha mudan tanba ho prezensa Prematil mai ami halo debu iha leten konsege halo bee matan tolu rekopera fila fali.
“Konservasaun debu ne’ebé ami halo iha leten konsege halo mudansa bo’ot ba bee matan tolu Dimanas, Polteno no Holtema konsege aumenta duni tanba iha pengaru duni husi debu ne’e,” dehan Xefe Aldeia Laku Foan José Tacaqui,ba Jornalista sira iha Aldea Laku foan Suku Costa Regiaun Administrativu Espesiál Oe-cusse Ambeno RAEOA, Tersa (21/02).
Xefe Aldeia afirma, tempu uluk ne’e komunidade susar tebes ba bee mos tanba ho mudansa klimatika udan monu rai tarde halo bematan sira maran hotu komunidade atu uza bee mos hodi hemu no tein mos susar tebes ba komunidade sira ne’e.
Antes nee,Prematil mai problema bo’ot ami hasoru mak bee menus wainhira hahu taman ba fulan jullu too dezembru ne’e bee susar tebes mai ami no ba komunidade ne’ebé hela iha aldeia Laku Foan ne’e tanba bee menus tebes hau nia komunidade sira minutu 1:20 mak foin hetan bee lidru ida, se karik komunidade lori ho masa 5 liter ida ne’e ami hein to’o oras ida,”dehan nia.
Nia hatutan,Kada uma kain minutu 1:20 mak hetan foin hetan bee litru ida se wainhira uman kain ida lori ho jirigen 5 liter 10 ne’e ita hein oras 9 ne’e foin uma kain ida se wainhira uma kain Ruanu resin loron tomak sira hein malu tanba bee susar tebes.
Maibe depois de prezensa Prematil iha tinan kotu ami halo debu iha laletek inklui ho mudansa klimatika udan sedu agora ami la enfrenta ona ba bee mos ne’e,”katak nia.
Total populasaun aldeia laku foan ho umakain 182 no total populasaun hamutuk 852 kompostu husi Feto, Mane no Labarik sira. Ana
