Fura Rede Emanuel FC 1-0, Assalam Susesu Rekolla Pontu 3
Naunil Media (Díli), Assalam FC susesu rekolla nia pontu tolu hafoin fura rede Emanuel FC ho skore 1-0 primeiro divizaun Liga Timorense époka 2023 mak hala’o iha Estadium Munisipal Díli, Tersa (21/02).
Primeira parte ekipa rua hahu ho jogador line up ne’ebe klube rua tau fiar ona atu hala’o jogu hodi hetan vitoria, jogu kick off ekipa rua halo inisitiva hodi halo presaun no atake ba malu maibe to’o minutu 45 remata la iha jogador ida husi ekipa rua ne’e marka golu .
Kontinua ba jogu parte daruak treinador husi ekipa rua ne’e halo mudansa tátika, to’o minutu 73 jogador Hasan Costa husi Assalam FC konsege marka golu hodi muda kedas score ba 1-0.
To’o minutu 90 remata score nafatin 1-0, vitoria ba Assalam FC hodi hadau pontu tolu iha jornada dahuluk divizaun dahuluk Liga Timorense epoka ne’e.
Entretntu jogu remata treinador Assalam FC, Gaspar Soares orgullu tanba jornada dahuluk ekipa konsege manan.
“Jornada dahuluk ne’e jogu importante tebes ne’ebe ha’u dehan ba hau nia jogador sira tenki dixiplina para rekolla pontu tolu ne’ebe ohin iha jogu parte dahuluk sira halo failansu oituan maibe tama jogu parte daruak, ha’u kontente tanba sira halo jogu tuir hau nia hakarak dixiplina diak liu tan”, tenik Gaspar
Iha fatin hanesan asitente treinador Emanuel FC, Van Basten, hateten normalmente futebol mak hanesan, ohin sira lakon tenki simu sorte iha mak empata.
“Normalmente iha futebol mak hanesan ne’e, iha sorti mak ita empata, ohin ami lakon tenki simu ida ne’e tanba ohin ami nia jogador halo failansu maibe ne’e jogu dahuluk sei hadia ba jogu hitu tuir tan mai. Aba
