AgrikulturaFEATUREDIkus LiuNews

Alargamentu Estrada Noefefan-Citrana, Estraga Natar Hektares 20

Fahe Tutan

Naunil Media (Oe-cusse), Vítima Afetadu Mateus Auni, hateten, iha loron 21/02 sekretariu estadu  Terras  Propriadade ezekuta ordem Presidente Autoridade RAEOA tun ba iha terenu informa ba natar nain sira atu eskabator tempu besik sei tama estrada hotu hare ne’ebe komunidade sira kuda hotu ona hodi troka ba Fos.

 tanba afetadu ba alargamentu kontrusaun estrada nasional husi Ponte Noefefan liga ba Fronteira Citrana iha suku Lifaun sub Rejiaun Pante Makasar, Rejiaun Administrativu Espesial Oe-Kussi Ambenu (RAEOA).

“Iha loron 21/02 Sekretariu Estadu Terras Propiedade tun mai sira hasoru koalia ba hau eskabator sei estrada hau  nia haree ne’ebé kuda ona atu troka fali ho fos governu nian, atu halo dezemvolvimentu estrada nasional husi ponte Noefefan iha suku Lifau sub Rejiaun Pante Makasar RAEOA liaga ba fronteira Citrana  nian,” Dehan Mateus Auni ba jornalista sira iha Lifau RAEOA, Kuarta (23/02).

Nia hatutan, informasaun ne’ebe autoridade RAEOA orinta Sekretariu Terras Pripiendade ba hasoru komunidade afetadu atu estrga natar ne’e kuda ona hare iha laran, komunidade la konkorda.

tanba ne’e,labele estraga hein koileta tiha mak eskavator bele tama suru estrada.Natar

“Hau nia natar ne’ebé afetadu ba estrada nasional ne’e hectares 20 vezes 130 metru,tanba hau prontu kopera ba dezemvolvimentu iha rai Oe-Kussi, maibe hau nia hare labele estraga lai hein koileta tiha, governu selu ona indimizasaun mak bele sobu hau nia natar,” katak  nia.

Nia hatuir,governu atu halo dezemvolvimentu estrada nasional, komunidade sira nia natar ne’e hetan afetadu, seidauk iha konkordansia konaba selu konfensasaun ruma, governu rasik durante ne’e  ona komunidade sira rai balun abandona hela.

“Durante ne’e,governu estraga komunidade nia natar iha lokasi tolu hanesan Kolomboe, Tanadesa no Holokau agora abandona, tanba sira governu promete selu indimizasaun,ami povu tinan ida ne’e lakonsege halo natar,” nia argumento.

“Iha dialogu nee ami komunidade husu ba governu atu foti ami rai, governu tenke iha obrigatoriu selu indimizaun ba ami nia rai, se sira la selu ami sei la fo.

 maibe governu REAO orienta Kompaña hahu suru ami nia lutu sira komesa estraga hotu ona,” esplika nia.

Tanba ne’e, komunidade sira pronto kopera ho governu, bainhira selu ona indimizasaun atu halo dezemvolvimentu rai oe-Kussi, maibe ida ne’e mak la realiza governu uza forsa solu deit matar mak komunidade sei halo keixa autoridade RAEOA ba Tribunal.

“Ami sente triste autoridade RAEOA loke estrada nasional, maibe halo diskriminasaun ba ami povu kiik ne’ebe koalia lahatene, maibe sira ne’ebé boot hanesan adjuntu RAEOA rasik  nia natar la hetan estragus ida ne’e ami sente balansu baa mi povu ne’e laiha,”tenik nia. Ana

Leave a Reply

Your email address will not be published. Required fields are marked *