ISC abertura orientasaun ba estudante foun fakuldade saúde tinan letivu 2023
Naunil Media (Díli), Ohin loron 24 fulan Fevereiru tinan 2023, institutu superior Cristal halo abertura orientasaun ba estudante foun husi fakuldade siénsia saúde ba tinan akademiku 2023 nian iha resintu Cristal
Vice reitor ISC Jacinto de Oliveira Junior haktuir, orientasaun ba estudante foun tinan akademku 2023 ida ne’e, ISC realiza loron ohin nia bá faze daruak, primeira faze halo ona iha semana kotuk ba fakuldade edukasaun, i ohin loron abertura ba fakuldade siénsia saúde nian.
“Aktividades ida ne’e ami halo dala tolu tanba númeru estudante ne’ebé mak bo’ot, i ami nia espasu ne’ebé mak labele akomoda hotu estudante hotu”. Dehan vice reitor ISC Jacinto de Oliveira Junior ba jornalista hafoin halo abertura orientasaun ba estudante foun iha resintu ISC, Sesta (24/2)
Vice reitor ISC hateten, aktividades ida ne’e hanesan aktividades obrigatoriu ida ne’ebé mak ISC hala’o, para atu nune’e bele fo konesimentu ba estudante foun sira, liu-liu fo konesimentu ambiente ISC nian rasik no mós akademiku nian.
Aumesmu tempu ISC mós fahe fahe programa kona-ba regulamentu sira ne’ebé mak aplika iha instituisaun ida nia laran. Tantu ba iha finanseirus nian no akademika jerál fakuldade nian
Enkuantu estudante foun ba tinan akademiku 2023 nian kompostu husi fakuldade siénsia saúde ne’ebé mak ohin tuir ona orientasaun ne’e totál 700 ital, depois abn kontinua halo abertura ba siensia saúde mós totál estudante hamutuk 800 ital. Nune’e institutu superior Cristal simu estudante estudante foun ba tinan akademiku 2023 nian totál estudante hamutuk kuaze 2.500 kompostu husi fakuldade hotu ne’ebé mak instituisaun ISC iha. LTS
