DIT Rekolla Pontu 3 Hafoin Halakon Zebra Fc Ho Skore  2-1

Naunil Media (Díli), DIT FC rekoila potnu tolu hafoin halakon  Zebra FC ho skore 2-1, tamba ne’e  klube refere  hetan pontu tolu iha jogu dahuluk iha divizaun daruak nian iha Liga Timorense époka 2023.

Jogu refere ekia DIT FC kontra Zebra FC hala’o iha Estadium Munisipal Dili sabadu 25/02/2023

Iha jogu parte dahuluk kick off DIT FC konsege marka golu lais husi jogador Boaventura S. Klau  iha minutu 1 hodi hatuur kedas skore 1-0, skore refere halo ekipa rua halo presaun no atake makaas ba malu ne’ebe tama ba minutu 12 Zebra FC tenki sofre tan golu ida husi jogador Lamberto  Ximenes tanba baliza Zebra FC labele asegura nia redia husi jogador adversariu sira muda skore ba 2-0.

Skore 2-0 halo ekipa rua halo jogu nafatin tuir estratejia ekipa ida-idak halo kontra atake ba malu maibe to’o minutu 45 remata skore nafatin 2-0, DIT FC lidera jogu parte dahuluk ho skore 2-0.

Tama ba jogu parte daruak ekipa rua mantein ekipa idak-idak nia estratejia jogu halo nafatin kontra atake ba malu ne’ebe tama minutu 55 jogador Helio Ribeiro husi Zebra FC marka golu halo guarda rede  DIT FC la asegura nia redi ne’ebe muda kedas skore ba 1-2.

Skore 2-1 halo ekipa rua nia ritmu jogu aumenta manas tan de’it maibe ekipa rua la fo oportunidade ba malu atu aumenta tan golu ne’ebe to’o minutu 90 remata skore nafatin 2-1 ne’ebe rezulta DIT FC konsege hetan vitória hodi rekolia  pontu tolu iha jogu dahuluk divizaun daruak Liga Timorense 2023.

Hafoin jogu remata ba jornalista sira treinador DIT FC Meal Arman hatete, ohin sira manan maibe nia la satisfaz ho nia jogador sira jogu tanba jogador sira halo jogu la tuir treinador nia instrusaun no jogador  joga muda jogu la tuir treinador nia tekniku.

“Ohin ami manan maibe la sente satisfaz  tanba jogador joga la tuir, ha’u nia tekniku nian, iha jogu parte daruak ha’u fo instrusaun sira muda fali la halo tuir tanba Zebra FC joga uza fiziku tan ne’e, ha’u husu sira labele halo joga iha lina mediu nian no jogador lina klaran sira kaer kleur tuir lolos ida ne’e mak jogador sira labele halo hodi nune’e Zebra FC halo presaun makaas ba ami”, tenik Meal Arman

Treinador DIT ne’e akresenta tan, sira nia joga domina bola maibe sira la joga iha lina sira hotu barak liu joga iha linan klaran ne’ebe sira senti susar tebes iha jogu parte daruak nian no joga tuir main sei joga all out kontra Nagarjo FC tanba jogu hotu sira senti hanesan final, treinador sei muda estratejia iha loron ohin hodi troka jogador sira ohin line up ne’e

Alein ne’e mos  treinador Zebra FC Rogerio Moc hateten, iha jornada dahuluk sira lakon maibe ne’e normal tanba ohin sira nia kualidade ritmu jogu dook tebes ho adversariu maibe sira sei hadia iha jogu tuir mai

 “Kualidade ritmu jogu ami lakon dook ho DIT FC tanba ami prepara ladun masimu maibe ohin minutu nia laran rezultadu jogu hatudu nia grafiku la dook husi adversariu nian no ha’u sei hadia jogador sira joga iha jogu tuir mai tanba sei iha jogu hitu,  lakon ho 2-1  iha jornada dahuluk ne’e normal ba ami maski iha jornada dahuluk esperansa hakarak impata selae manan”, tenik Rogerio Rogerio profunda tan, rezultadu jogu ohin sira sei halo evaluasaun hodi para joga tuir mai sira bele hetan pontu asegura klube ne’ebe sira sei hadia iha lina defeza tanba ohin sira  seidauk iha komunikasaun diak tanba durante sira mos la halo jogu amizade ekipa sira seluk. Aba