Autoridade RAEOA taka matan ba Vítima Inundasaun Suku Bobokasa-Oekusi
Naunil Media (Oe-Cusse), Xefe Suku Bobokasa, Sebastiao Cob, hateten fulan Abril tinan 2022 akontese udan bo’ot hamosu inundasaun rezulta komunidade nia uma barak no sasan estragus maibe to’o ohin loron balun seidauk hetan ajudus humanitarian husi autoridade RAEOA.
“Afetada iha fulan abril tinan 2022 mota sae konsege afeta kuaze uma 30 resin hetan bee sae tama uma laran,foin daudauk nee iha dezembro nia laran sae tan ladun Barak,tanba iha neeba iha bronjo ona taka bee lá ladun makas ona,”xefe suku Bobokasa,ba jornalista sira,iha hotel bintang lima Oel Upu, sexta (24/02).
Nia hatutan,iha suku Bobokasa iha bairro Nuslao nee mota sae foin daudauk kona uma hitu hetan bee sae tama uma tanba mota rua hasoru malu disponivel tenke tama.
“uma Hitu nee apoiu emergência kaleng,fos,supermi,ikan lata apoiu mos ho possu mos ho lona,”katak nia.
Nia afirma,natar estraga la too hectar ida estraga to 300 meter.
“ami husu nafatin ba autoridade at kedas nee tenke hadia halo fali sira nia uma,at total mak uma kain lima, sujere ona bá autoridade halo plano oinsa! hau mós lahatene, maibe ami sujere bá autoridade ho governo taka kuak bronjo husik Hela nee iha tempo badak tenke taka atu nunee bee tama ladun makas,bele halo iha tempo badak,”hakotu nia. Ana
