PNTL Asegura Joven Nain 5 Hatama Sigaru Ilegal Hosi Fronteira

Naunil Media (Díli), Servisu Sekreta Makikit hosi Polisia Nasional Timor-Leste (PNTL), junta ho ekipa patrulla Esquadra PNTL Dom Aleixo, halo aprensaun ba karreta rua hamutuk ho joven nain 5 tanba halo transaksaun ilegál ba sigarru ne’ebé hatama dos husi Indonezia diresaun Covalima, Ainaro, Aileu to’o Dili, iha loron tersa

Komandante Esquadra PNTL Dom Aleixo, Inspetor Polisia Alex (Samurai) da Costa,hateten, sidadaun nain 5 ne’e kaptura liuhusi servisu vizilansia iha fronteira terrestre Timór-Leste ho Indonézia.

“Ohin dader tuku 9:15 ita simu informasaun hosi Makikit katak iha kareta rua tula sigaru no plastiku ne’ebé hatama ilegál hosi Indonézia mai Timor-Leste,”dehan Komandante Eskquarda PNTL Do m aleixo,ba jornalista sira,esquarda Balide, Tersa (28/02).

Komandante Esquadra hanesan mos lima-ain ba  Komadante Jeral no Komadante Munisipiu Dili nian hodi asegura no kontrola aktividade ilegal iha area juridiku Dom Alexo halo kordenasaun ho equipa patrulla no equipa investigasaun Dom Aleixo mai halo kedas aprensaun ba karreta kamioneta ida ho numeru matrikula A.53.538 no pick up ida A.22.174 ne’ebe tula sigaru marka Surya 12, tabaku lulun marka pohon sagu no plastiku hamutuk karon 66 no asegura mos joven nain 5”.

Nia hatutan, iha asaun aprensaun ne’e na’in husi atividade ilegál tenta subar evidensia maibe ékipa konjuntu ho pozisaun firme kontinua buka no konsege hetan iha armajen kik ida ne’ebe besik hela iha uma refere.

“Ida ne’e krime entaun PNTL liu hosi servisu sekreta sei esforsa hodi kontinua buka tuir nafatin tanba ita-nia nasaun tenke seguru hosi atividade ilegal sira ne’e.

Tanba nee, Ita nia nasaun bele ki’ik halonusa mós  tenke respeita lei. Ita labele viola fali ita-nia lei sira ne’ebé ke implemente ho ita-nia kosar ran ho ruin no hanesan polísia tenke asegura”,nia alerta.

Mate restu 12 novembru  afirma, nia parte sei halo investigasaun klean salva nasaun husi atividade ilegál nune’e bele halakon grupu organizadu sira ne’ebé fasilita transaksaun ilegal hodi transporta merkadória kontrabandu tama sai Timor-Leste ne’ebe prejudika reseitas ba Estadu no fó risku ba nasaun kik ida ne’e.

“Tuir deklarasaun suspeitu sira nian katak atividade transaksaun ilegal ne’e halo dala barak ona liu hosi Suai, Ainaro, Aileu tama to’o Dili ho sasan sira hanesan  tabaku liu hosi dalan ilegal ne’ebe guvernu bandu no sira viola ona Dekretu Lei númeru 37/2020 kona-ba polítika Zero Plástiku. Portantu ohin ne’e servisu hamutuk ho ekipa konjunta hodi halo buska ba fatin ne’ebé pozitivu no ita asegura ema nain 5 deskobre mos sasán iha karón 66 no balu sira distribui ona ba merkadu sira hanesan Taibessi no sira seluk tán”,katak nia.

Alex Samurai, relata, atividade ilegal ne’e kategoria “flagrante de lito” no automátikamente suspeitu sira sei submete ba sela detensaun durante 72 oras  hodi kontinua halo prosesu ba ba Ministériu Públiku no Tribunál hanesan nain ba krime hotu. Oras ne’e,daudaun Servisu Investigasaun Kriminal sei halo hela identifikasaun ba suspeitu na’in-5 ne’e, mak hanesan, FDS tinan 24, husi Zumalai Munisípiu Covalima, EPA tinan 29 husi Kampo Alor Munisipiu Dili, LDS tinan 34 husi Balibo, Munisipiu Bobonaro, JND tinan 20 husi Suai-Lepo, Munisipiu Covalima, MDA tinan 24 husi Maliana-Mape, Munisipiu Bobonaro no JP tinan 34 husi Suai-Lepo, Munisipiu Covalima. Ana