Kompañia Timor Resource Halo Prefurasaun Mina iha Suai  Hatudu Rezultadu Di’ak

Naunil Media (Díli), Manjer Kompañia Timor Resource Filomeno De Andrade informa, perfurasaun ba mina matan tolu iha Suai hatudu rezultadu di’ak.

“Ami ko’alia kona-bá situasaun ne’ebé mak oras ne’e daudaun hala’o atividade Timor resource halo hela perfurasaun iha mina matan tolu, mina matan tolu ne’e resultadu ne’ebé mak kompañia hetan fó korajen makas teb-tebes atu bele kontinua atividade”, dehan Manager Kompañia Timor Resource Filomeno ba jornalista sira iha Palasio Presidente Bairro Pite, kuarta (01/03).

Nia hatutan, Mina matan tolu ne’ebé mak oras ne’e dadaun to’o ona metru rihun tolu atus ida, informasaun ne’ebé mak hetan ne’e atu fó korajen maka’as, hodi remata perfurasaun  ne’ebé ami nia planu atu to’o iha metru rihun tolu atus lima.

Tanba nee, semana ida ka rua ami remata ida ne’e, depois hala’o hotu ona atividade teste ba mina matan ne’e hodi haree kapasidade ba ida ne’edehan nia

“Ami bele hatan de’it katak, laran haksolok tebe-tebes ho informasaun resultadu ne’ebé mak ami hetan ne’e, maibé informasaun ikus hodi kuantidade ne’ebé mak iha ne’e sei deporta sei hato’o ba ANPM depois sira mak sei hato’o informasaun”, tenik nia.

Mina matan oras ne’e dadaun iha Suai nian, Suai ami halo perfurasaun mina matan tolu ida iha Matai, Kamanasa, Labarai ikus liu klean tebe-tebes,mak iha Labarai ne’e metru rihun tolu atus lima nian, hateten nia.

Xefe Estadu ohin fó enfaze maka’as no sujestaun atu Timor Resource kontinua halo esforsu hodi hakat ba oin atu oinsá bele atinji objetivu ba iha perfurasaun ba mina matan sira ne’ebé oras ne’e daudaun Timor Resource halo hela, hakotu nia. Ana