Embaixada Austrália  Hamutuk Ho Feto TL Selebra Loron Internasional Feto

Naunil Media (Díli), Vice Embaixadora Austrália Suzy Wilson-Uilelea informa , Ohin Embaxada Australia selebra loron internasional ba Feto  hamutuk ho feto Potensial Sira iha area teknologia nian iha Timor-Leste.

  ho tema “Inovasaun ba futuru nebe igual ba jeneru” Tema ne’e, Nasoins Unidas mak estabelese no foka liu ba inovasaun, mudansa teknolojia no edukasaun iha idade dijital atu alkansa igualdade jéneru no empoderamentu ba feto no labarik-feto hotu-hotu.

“Loron Internasional ba Feto ne’e, hodi halibur hamutuk hodi selebra esforsu ba igualdade jéneru iha setor teknolojia. Ida-nee signifika katak ema ida-idak feto, mane, labarik feto no labarik mane sira,  iha oportunidade ne’ebé hanesan atu atinji sira-nia poténsia tomak hodi hala’o karreira iha teknolojia”, Dehan Adjunta Embaixador Austrália Suzy Wilson-Uilelea ba Jornalista sira iha Hotel Timor, tersa (07/02).

Nia hatutan, Ita hotu iha papél importante ida atu halo, hodi bele atinji ida ne’e, ih a mundu ohin loron ne’e, feto no labarik feto sira iha fatin hotu-hotu presiza asesu ba edukasaun no dalan ba karreira iha teknolojia, enjefiaria no siénsia. Ita tenke luta atu ema hotu-hotu bele partisipa iha profisaun sira-ne’e, la haree ba jéneru  no asegura fatin servisu ne’ebé maka inkluzivu.

“Ita tenke luta ba inovasaun hodi taka lakuna dijital ba jéneru ne’ebé halo feto barak la involve, ka sai offline, no la hetan oportunidade foun no Bainhira lakuna ne’e taka ona maka feto sira sei iha konhesimentu, kapasidade no abilidade atu tahan, hetan susesu no lidera iha Sékulu 21”, tenik nia.

Iha sorin seluk Ofisiál IT iha Embaixada Austrália Cesaltina Matos nia mensagem ba feto maluk sira iha sosiedade katak, durante ne’e  hasoru dezafiu atu asesu ba teknolojia oinsá atu asesu ba edukasaun siensia no enjenária nian

“Ha’u hakarak manda mensajen ba feto  Timor oan sira  sente hanesan ICT potensial  suporta tebes  ba imi nia  kareira brani atu ko’alia sai, tanba mundu agora ne’e ho mundu globalizasaun no mundu online. Entaun informasaun barak tebes ita uza plataforma barak ne’ebé mak ita uza hodi aprende hanesan Google, youtube, facebook, Whatsap, plataforma sira  ne’e ajuda tebes feto maluk sira hodi asesu ba teknolojia”, Nia haktuir.

Partisipa iha seremonia ne’e reprezentante lider feto sira husi setor teknolojia, governu, funsaun públika, Nasoins Unidas, sosiedade sivil no foin-sa’e na’in 55 husi Aliansa Labarik-Feto.Yora