Dom Virgilío Cardial Husu Sarani Katólika TL Promove Paz Iha Eleisaun Parlamentar
Naunil Media (Díli), Arsebispu Arkedioseze Metropolitna Dili, Dom Virgilío Cardial do Carmo da Silva, Husu ba sarani Igreja Katólika Timor-Leste kontinua promove nafatin paz no estabilidade iha eleisaun parlamentár 2023.
“Husu ema hotu hatene katak agora daudauk hakbesik daudaun ona ba eleisaun parlamentár”, dehan Dom Virgilío Cardial do Carmo da Silva ba jornalista sira iha UCT Balide, kuarta (15/03).
Nia hatutan, Haree ba partidu sira komesa halo konsolidasaun hodi preparasaun ba iha eleisaun ne’ebé atu mai daudauk, nu’udar uma kreda ezerse nafatin papél ida ne’e hodi husu nafatin ba sarani no povu rai doben ida ne’e.
Nia afirma, Ema hotu hatene katak husi 2017 mai 2022 ninian haree depois eleisaun sempre hatudu klima ida ne’ebé di’ak no furak, kria nafatin ambiente paz ba ema hotu.
Oportunidade ida ne’e, hakarak husu nafatin ita kontinua atu nune’e promove nafatin paz, estabilidade ba ita nia rai ida ne’e papél no responsabilidade ita hotu nian, hakotu nia. Ana
