EdukasaunFEATUREDIkus Liu

FDCH Aloka Millaun 6 Ba Bolseiru Bolsa Hakbi’it No Bolsa Parsial

Fahe Tutan

Naunil Média (Dili), Diretór Ezekutivu Fundu Dezenvolvimentu Kapital Umanu (FDCH-sigla Portugés) Cristovão dos Reis hateten, FDCH Aloka orsamentu millaun 6 resin ba bolseiru sira husi bolsa hakbi’it no bolsa parsial sira

“Bolsu estudu ne’ebé VIII Governu Konstituisionál fó ba joven Timoroan liuliu bolsa Hakbi’it no Bolsa Parsial ne’ebé ohin loron partisipa iha serimónia ida ne’e ho totál bolseiru hamutuk ema Rihun 1683 ba tinan ida ne’e, ho ninian Orsamentu ne’ebé mak aloka milaun neen resin”. Dehan Diretor ezekutivu FDCH ba jornalista iha CCD, Tersa (4/4)

Diretor ezekutivu FDCH hateten, bolsa hakbiit no bolsa parsial ne’ebe mak ohin tuir Serimónia ne’e ba de’it Universidade Privadas no Universidade Publikas iha rai laran ka Nasionál.

Nune’e FDCH mós halo monitorizasaun fulan neen kuandu estudante sira tuir tiha prosesu aprendijazem sira tuir tiha exame depois ekipa husi FDCH halo monitorizasaun hodi hare sira nia aproveitamentu

Entaun ba sira ne’ebé mak aproveitamentu ladún di’ak, FDCH motiva nafatin no sama atensaun ba sira ho nune’e atu sira estuda diak liu tan bele hadia notas ka Valor ne’ebe mak la dun diak hadia fali iha futuru.

Aleinde ne’e mós estudante bolseiru ba bolsa hakbi’it no bolsa parsial ne’ebé asina tiha ona kontratu sei hetan sansaun bainhira la tuir kriteriu hanesan kriteriu ba bolseiru mane no feto labele forma familia durante sei hala’o nia estudu iha banku Universidade.

Sansaun ne’ebé mak bolseiru sira hetan bainhira la tuir kriteriu mak hanesan estudante sira iha obrigatoriu atu fo fila fali osan ne’e ba kofre estadu, tanba osan estadu nian no nasaun nian. Ne’ebé investe ba ema ne’ebé mak hakarak aproveita. LTS

Leave a Reply

Your email address will not be published. Required fields are marked *