Hakarak Povu Moris Di’ak, PDC Kria Kondisaun Seitor Agrikultor No Peskas
Naunil Média (Bobonaro), Tama ba kampana ba da sanulu nian partidu Demokrata Cristão (PDC), hala’o ninia kompromisiu polítika eleitoral iha postu administrativu Atabae Munisípiu Bobonaro ne’e hateten, hakarak povu ne’e moris di’ak tenki kria kondisaun ne’ebé mak di’ak, nune’e bele dezenvolve di’ak liu tan iha seotor agrikultor no peskas
Prezidente Partidu PDC Francisco de Araújo Haktuir, Programa prioridade ne’ebé mak PDC garante ba tinan lima ne’e oinsa atu Kria kondisaun di’ak ba sektorial importante sira iha setor Agrikultura ho peskas mak, hanesan, industrializa Agrikultura liu husi investimento publiku ba agrikultura sira hodi hamosu programa koperativa multi sektoral kada suku, hadia sentru lojistika hotu iha munisipio Sira hotu atu lokalija produtu lokal nune’e hodi liga ba merkadu nasional no internasional.
“Halo lei protesaun ba produtu lokal hodi proteje toos nain Sira, no sosa Ro ahi operasional ba tasi mane hodi kontrola peskas ilegal Sira inklui fronteira tasi Timor”. Dehan Prezidente PDC ba jornalista iha Atabae, Sabadu (29/4)
Nune’e mós programa hakbiit grupo agrikultor no inisiativa koperativa agrikultura iha nível Suku no aldeia. Aleinde ne’e indentifika mós produtu estratejiku ba merkadu internasional.
Ida seluk mós haforsa industrial peskas iha Raí laran no Haforsa lei importasaun, utilija Raí tuir nesesidade estadu no kultural, i mós sentru lojistika nasional sai armajem ba produtu lokal.
Depois ida seluk mós sosa ekipamentus Sira hodi moderniza hanesan, bele prosesa kuda no bele prosesa koileta no bele halo produsaun, Nune’e kontinua halo bendungan hodi Fornese bee ba Natar Sira hanesan iha natarbora, manatutu, Atabae, maliana no seluk tan.
Ba iha area peskas nian, kontinua hola ekipamentus hanesan redi Bero hodi apoio ba peskador Sira. Aleinde ne’e mós fo subsídiu ba peskador sira hodi motiva sira loke fabrika rasik hanesan sardinas no deho hodi redus importasaun husi Raí liur. Ida ne’e motiva emprezariu Timor oan Sira hodi investe iha peskas loke fabrikas hodi fo servisu ba Joventude Sira iha Timor leste
Entretantu Sekretariu jeral husi PDC Geraldo Sarmento Ximenes Mos akresenta tan husu ba jovem Sira atu forsa hamutuk hodi Lori vitoria mai PDC nune’e hetan kadeira iha parlamentar Karik bele Kria kondisaun Diak ba Joventude Sira hodi diminui numeru dezempregu Sira iha Timor leste.
Enkuantu iha mini kamapana eleitoral ne’e hetan superviziona husi oficial CNE no hetan seguransa husi PNTL postu Administrativu Atabae, tuir kalendariu ne’ebé mak orgaun CNE aprova ona, PDC sei Kontinua Nia atividade kampana ho tipo dor to dor, Aban domingo 30/04/2023 iha batugade posto Balibo munisipiu Bobonaro. Aba
