PM Taur enkontru bilateral ho Adjuntu PM no Ministru Negósius Estranjeirus hosi Reinu Tailándia
Naunil Media (Labuan-Bajo, Indonézia), Loron 09 fulan-maiu, tinan 2023 – Primeiru-Ministru (PM) Taur Matan Ruak, hafoin to’o iha Labuan-Bajo NTT, Indonézia, hala’o kedas enkontru bilateral dahuluk ho Adjuntu Primeiru-Ministru no Ministru Negósius Estranjeirus hosi Reinu Tailándia, Don Pramudwinai, iha Otel Ayana, Labuan-Bajo NTT, Indonézia, iha ámbitu Simeira ASEAN ba dala-42, hodi aprofunda liutan relasaun no kooperasaun entre Timor-Leste ho Tailándia iha Rejiaun ASEAN.
Iha Reuniaun ne’e, Adjuntu Primeiru-Ministru Tailándia hateten, Tailándia kontente Timor-Leste sai ona membru ASEAN ba dala-11, hodi kompromete katak Taliándia sei apoiu Timor-Leste nia roteiro (Road Map) hosi ASEAN molok sai membru pleno, liuliu sei fó apoiu iha kapasitasaun institusional.
Entertatu Xefe Governu Timor-Leste, agradese tebes ba apoiu Tailándia nian kona-ba adezaun Timor-Leste nian ba ASEAN no apoiu ba kapasitasaun institusional.
Iha enkontru refere, Xefe Governu hetan akompañamentu hosi Ministra Negósius Estranjeirus no Kooperasaun, Adalzija Magno. */Tri