Migrasaun Aplika Multa $250.00 Ba Sidadaun Tama Ilegal iha Fronteira
Naunil Media (Díli), Diretór Jerál Servisu Migrasaun, Superintendente Asistente Polisia, Luis Soares Barreto, Informa nia parte aplika ona multa $250.00 ba sidadaun sira ne’ebé ho intensaun hakat fronteira ho ilegal iha semana rua kotuk.
“Ita aplika multa masimu $250.00 ba sidadaun sira ne’ebe konsege tama ilegal liu ba area Indonezia nian, enkuantu sira ne’ebe halo negosiu ilegal ita aplika $30.00″, Dehan Diretór Jeral Servisu Migrasaun, Superintendente Asistente Polisia Luis Soares Barreto via telefone sesta semanan ne’e.
Nia hatutan, Ohin ita nia ekipa halo ona investigasaun no aplika multa ba sidadaun timor oan na’in 26 ne’ebé antes ne’e kompleta ona loron 14 iha kuarentena Munisipiu Covalima, tanba hakat ilegal fronteira terestre.
Hafoin parte imigrasaun konklui prosesu administrasaun multas hotu sei entrega ba iha PNTL parte investigasaun nasionál hodi prosesu kontinuasaun ba Ministériu Públiku, Nia haktuir.
Ikus liu, nia dehan sidadaun sira ne’ebé agora daudaun sei iha hela kuarantene sei aplika sansaun hanesan. Pau
