Falur: Rekursu Umanu Importante iha Komponente Aero

Naunil Media (Díli), Xefí Estadu Maiór General das Falintil Forsa Defeza Timor-Leste (F-FDTL), Tenente General Falur Rate Laek hateten, Rekursu umanu importante iha Komponente area, tanba reforsa efetivu ba operasional tuir estudu sientífiku ne’ebé iha.

Tenente General Falur Rate Laek hato’o lia hirak ne’e ba jornalista sira hafoin hasoru malu ho Prezidente Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, kuarta (23/03).

“Rekursu umanu ne’e importante ne’e afirmasaun ninia ezistensia ne’ebé uluk ita hetan formasaun ona ne’e ami reforsa tan efetivu sira para atu ba operasional sira tuir estudu sientífiku ne’ebé halo iha tinan 2012 ne’ebé ha’u mós partisipa ema peritu sira mai husi Portugál treinamentu ne’e ami halo”, dehan Tenente General Falur Rate Laek.

Tenente General hatutan,  Tuir desizaun sira ne’ebé agora halo ne’e iha nesesidade, tanba ne’e sira propoin para halo desizaun polítika neste kazu governu ou estadu desizaun polítika para atu organiza oinsá.

Falur Rate Laek esplika,  Kontinua fó treinamentu no hamoris beibeik sira nia karta aviasaun ka pilotu nian sira nia lisensa se lae bele mate, maibé nia labele diside mesak no sei halo proposta ba governu.

“Treinamentu ne’e kontinua mezmu sira ba hasai tiha aviasaun civil iha rai li’ur, mai ne’e tenke hamoris beibeik sira nia karta aviasaun no pilotu nian, ho lisensa ne’ebé sira foti se lae mate, mas ida ne’e ha’u labele deside no sei hatama proposta iha governu”, katak Falur Rate Laek.

Falur hateten,  Governu mak haree sa tipu de aviaun mak sira atu sosa, entaun investe ema ne’e ba se sira sosa Helikoptru, entaun tenke haruka ema ne’e ba formasaun ida ne’e nian no treinu mak ida ne’e.

Nia dehan, Enprinsipiu sira 5 anos iha ne’ebá sira lakaer aviaun ne’e kedas, sira mai hanesan ho pilotu ema aviaun nia na’in mak kaer mai opera tiha rai laran, depois mak fila fali ba no nia mai fali ne’e sai pilotu, no asumi papél hanesan Komandante Area ne’e planu ne’ebé mak iha.

Nia haktuir, Agora dadaun ne’e halo  diretiva inisial ba komponente sira, tuir estatuta ne’ebé aprova ona katak agora iha de’it ona komponente tolu, entaun iha nesesidade atu halo enkuadramentu legal ba komponente Area, Terestre, Naval no nesesidade iha fó diretiva inisial, para halo planeamentu ba reajustamentu estrutural iha Komponente tolu ne’e. *Jos