Lú Olo: Tama Kampaña Daruak Povu TL Tenke Haksolok
Naunil Media (Díli), Kandidatu PR ho númeru sorteiu 6 atual Prezidente Repúblika Francisco Guterres “Lú Olo” hanesan mós kandidatu ne’ebé hetan sengundu vensedor hato’o Mensajen ba ema hotu katak atu tama ba kampaña daruak povu Timor-Leste (TL) ho vontade no tenke haksolok
“Ha’u fiar katak ita sei tama iha segunda kampaña ho ambiente hanesan kampaña daruak, tanba ida ne’e mak vontade Povu Timor-Leste nian, no ita ita-idak tenke haksolok”, Mensajen Kandidatura nian ne’e hato’o husi reprezentante legal Fernando dias Gusmão liu husi konferensia imprensa ne’ebé hala’o iha Salaun Luz Clarita, kinta (24/03).
Lú Olo mós fiar katak ema hotu sei atua di’ak liután iha segunda kampaña, no kandidatu ida-idak bele hato’o ninia kompromisu loloos ba Povu nu’udar Prezidente Repúblika, liafuan ne’ebé sei hasa’e atu manán konfiansa Povu tenke halo ho maturidade polítika no seriedade, nu’udar ezemplu di’ak atu sidadaun hotu-hotu no jerasaun foin-sae bele banati tuir iha eleisaun sira tuir mai, Timor-Leste presiza nafatin Prezidente Repúblika ida ba 2022 to’o 2027.
Nia dehan, Nudar kandidatu ba Prezidente Repúblika, husu deskulpa karik nia ka apoiante ruma ofende ema ruma iha kampaña hala’o husi 2 marsu to’o 16 marsu 2022.
Nia mós agradese ba esforsu tomak husi Tribunal Rekursu ba prosesu verifikasaun kandidatura, husi órgauns eleitorais, STAE no CNE, no mós husi ema hotu ne’ebé partisipa iha prosesu eleitorál hanesan fiskais no observadores internasionais, no mós ba PNTL ne’ebé mantein ordem di’ak iha teritóriu tomak. * Jos