CIGC Prepara Ona Fatin Semitériu Ba Pasiente Sira COVID-19
Naunil Media (Díli), Porta voz Sentru Integradu Jestaun Krize (CIGC-Sigla Português), Rui Maria de Araújo, hateten ekipa forsa tarefa hosi sentru integradu jestaun krize nian prepara ona fatin semitériu ba pasiente sira COVID-19 iha area Metinaru.
Porta voz CIGC, Rui Maria de Araújo informa asuntu ne’e liuhosi konferensia imprensa mak hala’o iha Centro de Convencões de Díli (CCD), Sabadu (11/04).
“Iha ona perparasaun, tamba ne’e parte hosi ekipa forsa tarefa mos iha sentru integradu jestaun krize nia okos, nee tenke prepara ho bazeia ba instrusaun mai husi komandu operasionál, ita tenke prepara senáriu ne’ebe aat liu”, dehan dr. Rui.
Tuir Portavoz katak, ema hotu la espera to’o situasaun aat liu, maibe antisipa situasaun ne’’ebe nasaun barak hatudu ona, katak ema afeitadu ne’e maioria idade 60 ba leten mak lakon vida, tamba ne’e presiza halo preparasaun.
“Bainhira kazu ne’e espalla maka’ás iha ita nia populasaun, keta haluha tamba ita nia katuas no ferik númeru ne’ebe ke bo’ot, tamba risku gravidade no fatalidade, siknifika moras ne’e grave liu i bele hetan susar ne’e boot tebes-tebes ema ne’ebe 60 anos ba leten, entaun ita tenke prepara hotu ba senáriu sira nee”, dehan Nia.
Ikus liu, dr. Rui dehan, “preparasaun ne’e mai hosi komandu ne’ebe lidera hosi Primeiru Ministru Taur Mstan Ruak, tamba ne’e ekipa forsa tarefa iha Sentru Integradu Jestaun Krize nia okos halo ona observasaun iha fatin area Metinaru hodi halo semitériu ba ema afetadu Covid-19. Uar
