Xanana : Timor oan iha UK Sai Embaixador TL, Hatudu Komportamentu Di’ak
Naunil Media (Reino Unido), Líder Nasionál, Kay Rala Xanana Gusmão, hateten jovens Timor oan iha UK (United Kingdom/Reino Unido) sai hanesan embaixador Timor-Leste nian iha Reino Unido, tanba ne’e tenki nafatin hatudu komportamentu no servisu di’ak.
Eis-gerilleiru Komandante em Xefe FALINTIL, Kay Rala Xanana Gusmão, apela asuntu ne’e ba jovens Timor oan sira, wainhira nia vizita trabalho ho ekipa g7+ iha Reino Unido, Sábadu (25/06).
“Ba jovens Timor oan sira ne’ebe iha UK, imi ida-idak sai hanesan embaixadór Timor-Leste nian iha ne’e (Reino Unido), ne’ebé komportamentu no servisu di’ak”, apela líder karismatiku, Xanana.
Tuir Eis-Prezidente Repúblika, Kay Rala Xanana Gusmão, unidade jovens Timor oan iha Reino Unido sei sai ezemplu di’ak no bainhira fila bele preparadu liu atu dezenvolve Timor-Leste.
“Imi nia unidade sei sai ezemplu di’ak. Bainhira imi fila ba Timor bele preparadu liu atu dezenvolve ita nia rain (Timor-Leste)”, Esperansa Eis-Primeiru Ministru, Xanana ba Timor oan iha Reino Unido.
Ikus-liu, Xanana, nia hakoak bo’ot ba jovens Timor oan hotu-hotu iha Reino Unido, atu saúde di’ak no mantein unidade.
“Hakoak bo’ob bai mi hotu iha ne’e, husu ba MAROMAK saúde di’ak, haree malu di’ak”, tenik Xanana.
Loron 17 fulan Junho tinan 2022 ne’e, Kay Rala Xanana Gusmão ho ekipa g7+ hahu sira nia viajen ba rai liur, hanesan Bruselas, Londres no Lisboa, núdar reprezentante espesial Prezidente Repúblika no Estadu Timor-Leste atu atende forum loron dezenvolvimentu União Europeia 2022.
Lidera delegasaun ba konferensia kona-ba ekonommia azul no halo reuniaun estratéjiku ho konsellu jurídiku sira kona-ba negosiasaun fronteira sira rai no tasi.
Fontes facebook : Dá Silva (ID). Copia husi : www.naunil.com
