Governu Prevé U$200.000.00 Ba Konstrusaun Semitériu Metinaru

Naunil Media (Díli), Governu konstitusionál da-ualu liu husi Ministériu Administrasaun Estatal (MAE) prevé dolar amerikanu rihun atus rua (U$200.000.00) ba konstrusaun semitériu iha postu administrativu Metinaro, Munisípiu Díli.

Ministru Administrasaun Estatal, Miguel Pereira de Carvalho, informa tempu badak Governu (MAE) sei asina kontratu ho kompañia nasionál Timoroan atu hahu konstrusaun simetériu iha Metinaru.

Ministru ne’e dehan, planu Governu ne’e fixu ona, hein atu ezekuta de’it, tanba semitériu Becusse nakonu.

“Halo uluk kapela ida sei hahú hadi’ak dalan no ateru rai iha atu fasilita atividade funeral”, Governante ne’e, ba jornalista sira iha palasiu Governu, Kuarta (03/08).

Tuir membru governu ne’e, hamosu tan semitériu públiku, tanba regras kona-bá ijiene no orden públiku, wainhira ema mate so bele hakoi de’it iha semitériu públiku.

Semitériu públiku ida iha Metinaro ho rai luan hamutuk 15 hektares. Ana