ISC-Universitas Wiraraja Madura Asina akordu ba Area Saúde
Naunil Media (Díli), Kooperasaun servisu komunidade internasionál entre Instutu Superior Cristal (ISC) Timor-Leste ho Universidade Wiraraja Madura Indonézia liu husi asina akordu servisu sosial ba komunidade iha area saúde.
Magnífiku reitor Institutu Superior Cristal (ISC) Sebastiao Perreira, haktuir asina memorandu entre Universidade Wiraraja Madura Indonézia ho ISC Timor-Leste kona-ba atu hala’o aktividade tri planu estasaun ISC nian, no sira mós mai fo formasaun, no kapasitasaun ba dosente sira.
Nune’e aban bainrua sei hala’o mós aktividades, liu-liu iha triplas instutu superior nian iha area peskiza, hala’o mós prátika komunitariu sira.
“Ami asina memorandu kona-ba ida ne’e, ba futuru sei halo mós atividade sira seluk hodi bele hasa’e kualidade rekursu humanu husi instituisaun rua hanesan ISC ho universidade Wiraraja Madura Indonézia”. Dehan magnifiku reitor ISC ba jornalista hafoin remata asina akordu iha salaun Cristal, Tersa (21/2)
Magnifiku reitor ne’e hateten, dosente ISC sira hetan formasaun husi komunidade internasionál Indonézia iha area saúde, depois de formasaun aban bainrua sei hala’o mós estudu komparativu ida iha universidade Wiraraja Madura no sira mós mai halo aktividade hanesan prátika komunitariu hamutuk iha ita nia rai.
Nune’e formasaun ne’ebé mak dosente sira hetan ne’e liu husi Zoom no ohin halo abertura. LTS
