Deputada Lidia ba Sekretária Meza PN no António Nobre ba Vise Sekretariu Meza PN
Naunil Media (Díli), Deputada Lidia Norberta hosi bankada FRETILIN eleitu ba sekretária meza Paralamentu Nasionál (PN) no António Nobre Tilman hosi bankada KHUNTO ba vise sekretáriu meza. Sira nain rua eleitu hafoin PN realiza eleisaun ba distituisaun iha Tersa (02/06) ne’e.
Votasaun ba sekretária meza paralamentu nasionál ne’e ho votu sekretu no partisipa votasaun hamutuk deputadu nain 42, ho votu a-favór 41, kontra mamuk, apstein ida, branko mamuk, no votu nulu mamuk.
Prezidente Parlamentu Nasionál, Aniceito Guterres, hateten sira nain rua ne’e mak iha lejítimu no sei assume kargu hanesan Sekretária Meza PN no vise Sekretáriu Meza PN.
“Deputada Lidia Norberta dos Santos Martins eleita ba kargu Sekretária meza paralamentu nasional no António Maria Nobre dos Santos Tilman ba primeiru vise sekretáriu meza parlamentu nasional”, hateten PPN, Anaceito Guterres.
PPN ne’e haktuir, kompozisaun meza PN kompleta ona no aban sei halo aprejentasaun ba Prezidente Repúblika (PR), Francisco Guterres ‘Lu OLo’ no primeiru ministru Taur Matan Ruak bazeia ba artigu 19 aliña 6 konstituisaun RDTL.
“Iha eleisaun ida ne’e ita hotu-hotu asiste kompozisaun meza kompletu ona, kompozisaun meza paralmentu foun ida ne’e tuir rejimentu artigu 19 aliña 6, prezidente paralamentu tenke komunika ba Prezidente Repúblika no Primeiru Ministru hodi aprezenta kompozisaun foun ne’e”, salienta Nia
Kompozisaun meza iha PN kompleta ona, kompostu husi Prezidente Parlamentu Nasionál, Aniceito Guterres, hosi FRETILIN, primeira Vise Prezidente Parlamentu Nasional, Maria Angelina Lopes Sarmento hosi PLP, segundu Vise PPN, Luis Roberto hosi KHUNTO.
Sekretária Meza PN Lidia Norberta husi Fretilin, primeiru vise Sekretaria Meza PN António Nobre Tilman husi KHUNTO no segundu vise Sekretária Meza Parlamentu Nasional Regina Freitas hosi bankada PLP. Uar
