COVID-19 : Rezultadu Teste Konfirmasaun Ba Sidadaun Vietnam 11 Negativu
Naunil Media (Díli), Liuhosi Sala Situasaun, Sentru Integradu Jestaun Krize (SIJK), dr. Rui Maria de Araújo, hateten sidadaun Vietnam nain sanulu resin ida (11) inklui Indonézia nain rua (2), ne’ebe tama ho sira nian Ró liuhosi ilha Jaco, Munisipiu Lautém ne’e ninia rezultadu teste konfirmasaun negativu.
“Hahu hosi loron 12 fulan Juñu, sidadaun Vietnam nain 11 inklui feto 3 mane 8, hamutuk ho sidadaun Indonézia nain rua ne’ebé halo viajem iha loron 10 liu-ba, hosi sidade Kendari, Provinsia Sulawesi Tenggara Indonézia tama ho nia Ró iha illa Jaco, munisipiu Lautem tanba presiza konbustivel hodi kontinua sira nia viajem, inklui sira nian Ró mos avaria”, dr. Rui Maria, ba jornalista sira iha Centro de Conveções de Díli (CCD), Segunda (15/06).
dr. Rui esplika, “Relasiona ho sidadaun Vitnam no Indonézia hirak ne’ebé tama liuhosi illa Jaco, autoridade Munisipiu Lautém humutuk ho unidade resposta Rapida Sala Situasaun CIGC, transfere sira nain 13 mai iha Auto karantina Díli no hosi teste laboratóriu rezultadu negativu”.
Eis Ministru Saúde, dr. Rui informa liu-tan, maske sidadaun hirak ne’e rezultadu negativu ona, maibé dadaun ne’e autoridade kompotente sira sei akompaña hela prosesu hosi prespetiva imigrasaun Timor-Leste nian. Dms/Flo