SEFOPE Aileu Reativa Formasaun ba Joven Sira
Naunil Media (Aileu), Diretur Sekretáriu Estadu Formasaun Profisional e Empregu (SEFOPE) Munisípiu Aileu, Jacinto da Costa Soares, sira hahu reativa hikas programa formasaun no estajiu ba foin sa’e sira hodi aumenta sira nia esperensia hafoin paradu kuaze fulan tolu tanba Surtu COVID-19.
“Durante fulan 3 aktividade paradu tanba impaktu husi Surtu COVID-19, maibé dadaun ne’e hahu reativa hikas hodi atende ba fóin sa’e sira ho programa peoridade hanesan fórmasaun empregu, traballu no seluk-tan”, Diretur SEFOPE Munisipiu Aileu, Jacinto da Costa Soares, ba jornalista Naunil Media iha nia kna’ar fatin, Kuarta (15/07).
Diretur SEFOPE Munisipiu Aileu, Jacinto da Costa Soares, informa kada tinan governu sempre tau osan ba programa sira preoridade hanesan formasaun empregu, traballu.
“Tinan ida ne’e ami mos fó sai hela avizu ba sira ne’ebé mak tuir hela fórmasaun hanesan Hortikultura, Admistrasaun no Tékniku. Ami simu hela data bainhira orsamentu 2020 ne’e pasa, programa ne’e ita sei simu estajiadu sira ne’e tau ba fatin sira ne’ebe mak ita iha”, tenik Diretur SEFOPE Munisipiu Aileu, Jacinto da Costa Soares.
Diretur SEFOPE Munisipiu Aileu, Jacinto da Costa Soares, esklarese formasaun sira ne’ebé SEFOPE fasilita, iha aréa Hortikultura, produz ona traballador sira atus ida resin hodi ba servisu iha rai liur no rai laran.
“Programa ne’e diak tebes, kuidadu nafatin imi (foin sa’e) nia saúde, buat ne’ebé mak imi hetan tenki implementa ba imi nia moris hodi bele fó dalan ba sira seluk bele ba fali”, afirma Diretur SEFOPE Munisipiu Aileu, Jacinto da Costa Soares.
Iha Parte Seluk Responsavel Programa, Manejer Centru Joventude Munisípiu Aileu, Bendito Xavier do Rego, hatutan programa ne’ebe SEFOPE fasilita apoiu tebes joven sira hodi hadia ba sira nia ekonomia.
“Ha’u hanoin ida ne’e benefisia kolega sira, tanba hafoin ba servisu iha Australia no sira mai halo fali iha ita nia rai; Ezemplu hanesan sira hakarak halo block ida ne’ebe liu husi Plastíku, sira bele produs sai fali block, ha’u hanoin ida ne’e motivasaun diak ida ba joventude sira seluk”, teniak Diretur SEFOPE Munisipiu Aileu, Jacinto da Costa Soares.
Dadaun ne’e SEFOPE Munisípiu Aileu hahu halo atendementu ba joventude sira ne’ebé remata ona fórmasaun hanesan Hortikultura, Tékniku sivil, admistrasaun, Mekanika, kanalizasaun, komputador, Kulinaria no seluk tan atu aprezenta Dokumentu hodi hala’o estajiu. Nty
