ASDT/FRETILIN Obra Saudozu Francisco Xavier do Amaral
Naunil Media (Díli), Reprezentate família fundador ASDT/FRETILIN, Frederico Magno Sarmento, hateten partidu rua (ASDT-FRETILIN) hanesan obra fundadór ba Repúblika Demokratika Timor-Leste (RDTL), tanba ne’e militante no povu tomak labele hases-aan, maibe metin nafatin.
“Liu husi biban ida ne’e, husi familia bo’ot proklamadór RDTL, prezidente no fundadór partidu ASDT/FRETILIN, deklara ba publiku iha Timor laran tomak, partidu ASDT mak obra proklamadór RDTL, Francisco Xavier do Amaral funda hodi husu ukun rasik-an, no hodi hatun sikoti no formatóriu husi kolonialista português iha Timor”, Reprezentate família fundador ASDT/FRETILIN, Frederico Magno Sarmento, ba jornalista sira liu husi konferensia imprensa iha Sede ASDT Lecidere, Kuarta (14/10).
Nia hateten, Partido ASDT hamrik nanis iha Timor no iha rai Lecidere, iha rezidensia Aman Proklamador Saudozu Francisco Xavier do Amaral.
“Ho biban ida ne’e, familia bo’ot fundador Partidu ASDT/Fretilin Francisco Xavier do Amaral, apela ba maluk sira ne’ebe nudar eis estruktura Partidu ASDT ka estrutura anterior, atu hapara utiliza Partido ASDT sai hanesan projektu ba interese pessoal”, tenik Nia.
Nia husu ba Timor oan no militante, estrutura iha baze atu hamutuk hodi haree ba futuru compete iha eleisaun sira tuir mai. Ana
