Covid-19, Domingos: Orienta PNTL Vizilante Baliza Baukau Ba Lautém
Naunil Media (Díli), Prezidente Autoridade Lautém Domingos Savi ‘Lorasa’, hateten relasiona ho kazu transmiasaun lokál Covid-19, orienta ona Polísia Nasionál Timor-Leste (PNTL) halo vizilante masimu iha baliza Baukau tama ba iha munisípiu Lautém nian.
Prezidente Autoridade Lautém Domingos Savi ‘Lorasa’ ba Naunil Media iha edifísiu Naunil Media, Taibesi, segunda (08/030.
“Ha’u konvida komandante Polísia Lautém ho profesionál Saúde ami reuniaun hamutuk tenki halo vizilansia masimu iha fronteira entre Baukau ho Lautém. Nune’e ha’u Haruka komandante polísia oinsa mak ita halo seguransa masimu iha ne’ebá no ita bele kontrola kalan no loron, maibé membru polísia Lautém menus”, dehan Domingos.
Domingos hatutan, transporte públiku dadaun ne’e halai kalan para PNTL fasil halo kontrola sidadaun sira ne’ebé mak afetadu covid-19 bele detekta no labele hadaet fali ba komunidade Lautém.
“Iha altura ne’eba sedauk iha bee fase liman, ha’u orienta saúde sira agora dadauk ne’e tau ona bee profil iha fatin rua no ekipa integradu no serbisu hamutuk ho saúde prepara sasán iha fronteira no apoiu mós ong ILO prepara material sira. Ha’u orienta mós bombeirus para fornese bee”, Lorasa haktuir.
Alende ne’e Prezidente Autoridade Lautém ne’e klarifika,“Ita-nia maluk sira husi Maliana lori sira-nia produtu lokál ba faan iha Lautém, ami husi autoridade musisípiu haruka PNTL Lautém lori sira ba halo Auto Kuarentena. La’ós diskrimina sira tanba moras Covid-19 ne’e moras aat di’ak liu ita prevene, duke ita buka ai-moruk mak ita kura”.
“Ha’u rasik ho komandante PNTL Lautém ami deside tau hamutuk negosiante husi Maliana sira iha fatin ida para ita kontrola. Depois foti sira-nia sampel lori ba teste rezultadu negativu ne’e mak sira hala’o fali sira-nia atividade negosiu hanesan bainbain”, nia hato’o. Ikus nia husu, komunidade Lautém nafatin kumpri regas prevensaun Covid-19, komunidade nafatin iha pasiénsia no fó tempu ba iha autoridade kompeten hodi hala’o serbisu tanba moras ne’e sai hanesan inimigu boot povu Timor-Leste. Ant