Kazu Covid-19, Pozitivu Foun Rejista Na’in-12 Husi Munisípiu Díli
Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa kazu Covid-19 pozitivun foun rejista tan hamutuk ema na’in-12 husi Munisípiu Díli, kontaktu besik ba kazu pozitivu foun ne’e hamutuk ema na’in-12.
Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira liuhusi komunikadu imprensa, iha Sala Situasaun Sentru-Integradu Jestaun Krize (SS-CIGC-sigla Portugués), iha Centro Covenções Dili (CCD), kinta (11/03).
“Husi horseik, mai ohin iha Díli, amostra ne’ebé rekolla iha atividade buka tuir kontaktu besik iha tan 12 maka pozitivu Covid-19”, dehan Rui.
Rui informa, akumulativu husi kazu pozitivu Covid-19 mai hosi, 1 kontaktu besik hosi Kazu Bebonuk, 8 kontaktu besik hosi SEFOPE, 2 kontaktu besik ho Kazi Ministeru Finansas no Ministeru Transportes no Komunikasaun (MTK), no 1 seluk iha aldeia 4 de Setembru, Tasi Tolu.
Entretantu dadaun ne’e kazu foun iha Díli na’in-12 no Kovalima na’in-2 total Kazu foun hamutuk na’in-14, kazu rekoperadu 0, totál kazu ativu na’in-65. Ivo