Ofisiál Inspetór PNTL 52 Kompleta Primeira Kursu Promosaun
Naunil Media (Díli), Segunda (09/03) ne’e, Komandu Polísia Nasionál Timor-Leste (PNTL) hala’o enseramentu ba primeira kursu promosaun ofisiál inspector na’in 52 iha Sentru Formasaun Akadémia Komoro.
Kursu promosaun ofisiál inspector ne’e hala’o durante fulan 9, hahu husi fula 7 Jullu 2019 to’o loron 30 Janeiru 2020.
Ministru Defeza no Iterior Interinu, Filomeno de Jesus da Paixão, hateten governu kontinua suporta komandu PNTL hod realiza kursu promosaun ba ofisiál inspector hodi apriende teoria no pratika iha terrenu.
“Liu husi formasaun ne’e membru sira bele dezenvolve aan di’ak liutan sai komandante di’ak ba dezenvolvimentu instituisaun PNTL tuir planu estratejiku”, afirma Ministru Defeza no Iterior Interinu, Filomeno de Jesus da Paixão.
Ministru Defeza no Iterior Interinu, Filomeno de Jesus da Paixão, husu ba membru PNTL atu uza matenek ne’ebe hetan ona durante kursu no bele implementa iha knar foun ne’ebe sei hetan.
Iha fatin hanesan Komandante Jerál PNTL, Komisáriu Faustino da Costa, fó parabens ba membru sira ne’ebe partisipa formasaun ne’e to’o remata.
“PNTL sei kontinua hala’o nia knar tuir konstituisaun hodi garante seguransa ba ema hotu, e kontribui ba dezenvolvimentu rai laran. PNTL dadaun ne’e iha ona planu estratejiku dezenvolvimentu nasionál atu halo nia knar ho imparsialidade hodi hetan fiar husi husi nasionál no internasionál”, Komandante Jerál PNTL, Komisáriu Fautino da Costa.
Komandante Jerál PNTL, Komisáriu Fautino da Costa, dehan formasaun refere bazeia ba rejime promosaun no komandu mos sei koloka membru sira formandu ba servisu fatin foun sira, liliu iha munisipiu sira ne’ebe to’o agora iha fatin balu sei mamuk presiza prienxe.
Komandu PNTL mos atribui sertifikadu rekuiñesementu ba instituisaun estadu sira mak hanesan KAK, IDN no inklui komandante GNR no komandante PNTL sira ne’ebé apoiu ba realizasaun formasaun ne’e. Flo
