Armajen Supermerkadu Jacinto ‘Mamuk’, Programa Sesta Bázika Iha Kuluhun Paradu
Naunil Media (Díli), Sesta(08/01) ne’e, komunidade husi aldeia La’o Rai, Suku Kuluhun niha Díli, sira ba hobur Sede Suku atu foti voucher (nota) ba asesu programa Sesta Bázika iha Supermerkadu Jacinto, maibe lakonsege tanba supermerkadu refere nia-armajen mamuk ka laiha produtu local hanesan fos rai, koto no seluk-tan.
Aldeia La’o Rai, pretense ba Suku Kuluhun, Postu Administrativu Cristo Rei no Munisípiu Díli.
Xefe Suku Kuluhun, Deus Dado Martins, informa ohin (Sesta 08/01), programa Sesta Bázika labele la’o tamba fos ho produtu lokal sira seluk iha Armajen Supermerkadu Jacinto hotu ona.
“Babain komunidade sira iha suku Kuluhun simu Sesta Bázika la’o normal, maibé ohin loron labele la’o tamba fos ho produto lokal sira seluk iha armajen Supermerkado Jacinto hotu ona. Sasan hirak ne’e tama, hafoin informa fali ba komunidade sira atu kontinua asesu direitu sesta bázika”, dehan autoridade Suku Kuluhun ne’e ba jornalista Naunil Media iha Sede suku Kuluhun.
Xefe Suku ne’e esplika, Kuluhun iha Aldeia hitu, nune’e aldea tolu mak asesu ona direitu ba programa Sesta Bázika hela aldeia haat mak seidauk.
“Produtu Sesta Bázika, komunidade sira simu ho saudavel, karik produtu hirak ne’e mak aat, nia parte informa kedas ba komunidade sira atu rai kedas no lalika foti”, tenik xefe Suku ne’e.
Nia apela ba komunidade sira mantein kumpri regra sira prevensaun COVID-19, hanesan uza maskra, distansia social no faseliman bebeik ho sabaun, kuandu ba simu Sesta Bázika. Suku Kuluhun hamutuk Aldeia hitu, ho total abitante 7.718. Latu
