Kampaña Integradu Saúde, MS Prioritiza Kuidadu Saúde Inan no Labarik
Naunil Media (Manatuto), Kuarta (29/11) ne’e, Ministériu Saúde (MS) liuhosi Diresaun Nasional Saúde Públiku no Diresaun Servisu Kontrola Moras Krónika la Kontajiaoza hala’o aktividade kampaña promosaun no edukasaun saúde ba komunidade iha Suku Ca-Rui, Postu Administrativu Laleia, Munisípiu Manatuto.
Objetivu programa kampaña refere, hamutuk ho autoridade local sira, joventude hodi fó hanoin ba malu konaba kuidado saúde inan no labarik (oan).
Official Saúde Públiku ba Kontrola Moras Krónika la Kontajiaoza, João da Silva, informa, atividade ne’e hanesan halo advokasia ba promosaun no edukasaun saúde ne’ebe lidera husi Ministériu Saúde.
“Servisu hamutuk oinsa atu prevene moras se karik moras iha ona, oinsa ita atu ajuda malu fo tratamentu ne’ebe standar tuir portukolu Ministériu Saúde defini nune’e ita bele kura lalais moras sira nee, hanesan moras TB, Lepara no seluk-tan”, tenik official Saúde Públiku ne’e iha Sede Suku Cai-Rui.
Nia argumenta, aleim de fó hanoin ba populasaun sira ho autoridade sira konaba oinsa inan-aman sira kuidado-àn husi moras neebe laos kontajiosa hanesan moras diabetes, strok no moras hipertensaun. Tanba moras Hipertensaun númeru komesa às daudaun iha komunidade no ema barak mate tanba moras nee refere.
Iha fatin hanesan, Xefe Suku Cai-Rui, Guilherme Ximenes, agradese tanba hafoin simu posse, liu loron ida simu kedas programa Ministériu Saúde.
“Importante, pasa informasaun ba ita nia komunidade sira bele komprende saida mak saúde no inan-aman sira bele komprende diak liu-tan. Husu ba komunidade sira hotu, saúde mak importante, diak liu ita mai partisipa kualker programa saúde nian, diak liu prevene do que kura”. Dehan Xefe Suku Cai-Rui ne’e. Ana
