ONG AEP-TL Desimina Informasaun Atividade Explorasaun Petróleo-Gas, Impaktu & Oportunidade
Naunil Media (Covalima), Organizasaun Non Governamental ONG Assosiasaun Engeñaria Petróleo Timor-Leste (AEP-TL) halo desimina informasaun ho ba komunidade sira iha Suco Tasilin no Raimea Postu Administrativu Zumalai Municipio Covalima, liuhosi siensibilizasaun ho tema “Eduka Sociedade hodi Asegura Rai Potensial husi atividade Explorasaun Petróleo no Gas ho nia impaktu no oportunidade sira”.
Atividade refere hala’o durante loron rua (16 to’o 17 fulan Outobru), ne’ebe abertura husi Administrador Postu Administrativu Zumalai, no hetan partisipasaun husi Chefe Aldeia sira ho estrutura aldeia, komunidade no grupo nível suco sira.
Diretor Ezekutivu AEP-TL, Noventino Fernandes, konsidera atividade siensibilizasaun refere nesesáriu tebes, no papel Assosiasaun nian ida mak atu familiariza sociedade hodi hatene informasaun sira konaba atividade explorasaun Petróleo no gas sira ninia impaktu no oportunidade sira, nune’e mos husi atividade socializasau ida ne’e atu komunidade bele asegura rai potensial.
“Agra rai potensial ba rikusoin Petróleo no gas, aliem de ida ne’e mos rai potensial ba agrikultura, entaun oinusa mak ita nia komunidade sira bele defini sira nia desizaun ruma hodi asegura rai potensial sira ne’e, ho ida ne’e mak atividade socializasaun ne’e nesesáriu tebes”, dehan Diretor Ezekutivu ne’e.
Aktividade siensiblizasaun refere hetan apoiu fundus husi SASCAS ho total U$8000.00, atu kobre suku6 ne’ebe identifikadu iha Munisípiu Covalima. */Kou
