Jogadores TL Ario Ho Norberto iha Tempu Badak Sei Aranka Ba-Brazil
Naunil Media (Díli), Tuir data tentativa ba jogadores Timor oan na’in rua Ario Melo Ximenes ho Norberto Olívio da costa husi munisípiu Baucau sei aranka ba Brazil iha loron 20 fulan Janeiro tinan ne’e.
“Loron 20 fulan janeiro tinan ne’e determina ona iha kalendariu na jogadores nain rua ne’ebé husi munisípiu Baucau ne’ebé durante ne’e halibur an hamutuk iha sentru treinamentu juvenil nune’e hetan kontaktu husi nasaun Brazil, atu Bolu sira ba aprende futebol iha Brazil”, dehan Diretóra alta kompetisaun SEJD Maria luzia Monteiro ba jornalista sira iha resintus SEJD foin lalais ne’e.
Nia akresenta SEJD sei haruka karta ba iha embaxada Brazil iha Timor-Leste atu deskute ba prosesu viajem jogadores na’in rua ne’e atu viajem ba Brazil tenke ho kondisaun ne’ebé di’ak.
“Klubu ne’ebé mak atu simu jogadores na’in rua ne’e naran hotu haruka ona mai, maibé klubu sira ne’e nia naran ha’u haluha tiha ona”, Nia afirma.
Governu Timor-Leste garante katak Ario Ho Norberto sei hamorin futebol ho rejultadu ne’ebé di’ak iha Brazil, no hamorin mós país Timor-Leste nia naran iha mundu, posibilidade sira na’in rua mós bele motiva di’ak liu tan jogadores sira iha Timor-Leste liu husi sira nia jogu no matenek bola nian ne’ebé sira hetan iha Brazil. Aba
