Porta voz CIGC, Rui: Komunidade Tenke Implementa Maneira Prevensaun COVID-19
Naunil Media (Dili), Porta voz Sentru Integradu Jestaun Krize (CIGC-Sigla Português), Rui Maria de Araújo husu komunidade sira tenke inplementa maneira ba prevensaun Korona Virus (covid-19).
Rui Maria de Araujo hato’o asuntu ne’e ba jornalista sira iha konferensia imprensa, iha Centro de Convenções de Díli (CCD), Sabadu (11/04).
“Ita tenke tuir maneira prevensaun morascovid-19 nian, moras ne’e atu mai da’et iha ita nia isin, bainhira ema ida hetan ona infeksaun moras ne’e, nia ko’alia besik ho ita maizumenus distansia metru ida. Hodi nune’e nia kabeén labele katik mai kona ita nia oin, ita nia matan no ita nia ibun tanba kuandu kona ita bele daet mai ita. Maneira ida tan, ema ne’ebé hetan ona moras covid-19 nia tafui kabeén tasak iha fatin ruma ita ba kaer, ita la hatene ita bele kose ba oin, matan no ibun. Entaun virus ne’e bele tama iha ita nia isin lolon”, Rui explika maneira prevensaun Covid-19.
Nia hatutan, virus ne’e daet ba ema nia isin lolon, presiza distansia sosiál, labele halo grupu iha fatin publiku no labele kose matan no oin bainhira lafase liman.
“Maneira halo prevensaun pratika tanba ne’e efetivu. Doók malu, labele halibur malu besik malu tenke menus hosi metru ida”, deha Nia. Rui husu komunidade hotu presiza halo prevensaun ba idak-idak nia-án liuhosi fase liman ho sabaun, distansia sosiál, labele sai hosi uma ho asuntu ne’ebé laimportante. Kuandu iha sintomas bele liga ba númeru telefone 119 emerjénsia ba Covid-19 nian. Uar
